Megasoma actaeon

Na Galipedia, a Wikipedia en galego.

Megasoma actaeon

Macho de Megasoma actaeon

Femia de Megasoma actaeon
Femia de Megasoma actaeon

Clasificación científica
Reino: Animalia
Filo: Arthropoda
Clase: Insecta
Orde: Coleoptera
Suborde: Polyphaga
Infraorde: Scarabaeiformia
Superfamilia: Scarabaeoidea
Familia: Scarabaeidae
Subfamilia: Dynastinae
Tribo: Dynastini
Xénero: Megasoma
Especie: Megasoma actaeon
(Linnaeus, 1758)
Sinonimia
  • Scarabeus simson Linnaeus, 1767
  • Geotrupes crenatus Leach, 1817
  • Megasoma janus Felsche, 1906
  • Megasoma argentinum Höhne, 1923
  • Megasoma janus ramirezorum Silvestre et Arnaud, 2002
  • Megasoma janus fujitai Nagai, 2003 [1]
  • Megasoma rex Prandi, 2018 (dubious: see [2])
  • Megasoma actaeon johannae Van Meenen & Schouteet, 2018

Megasoma actaeon é unha especie de escaravello rinoceronte da familia Scarabaeidae.

Etimoloxía[editar | editar a fonte]

O nome específico actaeon deriva do nome do heroe tebano da mitoloxía grega Actaeon, fillo do pastor sacderdotal Aristaeus e de Autonoe en Beocia, adestrado polo centauro Quirón.

Descrición[editar | editar a fonte]

É un dos escaravellos máis grandes, medindo ata 7 cm de ancho e de 5-12 cm de longo. Os machos poden crecer ata os 131/2 cm de longo e 4 cm de ancho.[3]

As superficies dorsais son glabras (sen pelos), de cor negra brillante ou mate. As patas son potentes, con grandes garras tarsais. Os machos teñen apéndices que lembran cornos no pronoto e na cabeza. Os dous cornos parciais paralelos sobre o pronoto son curtos, agudos e apuntan cara a adiante, mentres que un corno moito máis longo cun pequeno dente nace da cabeza. Nas femias o pronoto e os élitros son rugosos e carecen de cornos.[1]

Ciclo de vida[editar | editar a fonte]

As femias poñen ovos no chan, que se desenvolven nuns 9 meses. O desenvolvemento larvario e a pupación tardan en total case 3 anos. As larvas no terceiro ínstar poden acadar un peso de 200 gramos, o maior peso de todos os insectos. A esperanza de vida dos adultos en catividade é de 100–150 días. O exemplar máis pesado do que se ten rexistros atopouse en 2009 no norte de América do Sr e pesaba 228 gramos, case o equivalente do peso dunha rata femia.[4]

Distribución[editar | editar a fonte]

Vive en América do Sur, especialmente en Bolivia, Brasil, Colombia, Ecuador, México, Güiana Francesa, Güiana, Panamá, Perú, Suriname e Venezuela.[1]

Notas[editar | editar a fonte]

  1. 1,0 1,1 1,2 Generic Guide to New World Scarab Beetles[Ligazón morta]
  2. Hielkema, Auke J., Hielkema, Meindert A. (2019): An annotated checklist of the Scarabaeoidea (Insecta: Coleoptera) of the Guianas. Insecta Mundi 732 (732): 1-306, DOI: http://doi.org/10.5281/zenodo.3678492
  3. "What is the World's Biggest Insect?". 
  4. Glenday, Craig (2013). Guinness World Records 2014. pp. 33. ISBN 978-1-908843-15-9. 

Véxase tamén[editar | editar a fonte]

Ligazóns externas[editar | editar a fonte]