Mbanza-Kongo

Mbanza-Kongo
	Ruínas da Catedral do Santo Salvador do Congo
	; Mbanza-Kongo
Patrimonio da Humanidade - UNESCO
País	Angola
Localización	Provincia de Zaire
Tipo	Cultural
Criterios	iii, iv
Inscrición	2017 (XLI sesión)
Rexión da UNESCO	África
Identificador	1511
	v; c; e;

Coordenadas: 6°16′04″S 14°14′53″L / -6.26778, -14.24806

Mbanza-Kongo, coñecida anteriormente como São Salvador en portugués dende 1570 a 1975, é a capital da provincia de Zaire,^[1]^[2] en Angola, cunha poboación de 148 000 persoas (2014).^[3] Mbanza Kongo (ou propiamente Mbanza Koongo ou Kôngo na maioría das ortografías aceptables) foi fundada algún tempo antes da chegada dos portugueses en 1483, e foi a capital da dinastía Kilukeni que gobernaba nese momento. O lugar foi abandonado temporalmente durante as guerras civís do século XVII. Atópase preto da fronteira de Angola coa República Democrática do Congo, no cumio dunha impresionante montaña de cima plana, ás veces chamada Mongo a Kaila (montaña da división) porque as lendas recentes lembran que o rei creou os clans do reino e enviounos dende alí. Ao sur do val discorre o río Luezi. En 2017, Mbanza Kongo foi declarada Patrimonio da Humanidade pola UNESCO.^[4]