Maurice Filion

Na Galipedia, a Wikipedia en galego.
Saltar ata a navegación Saltar á procura
Maurice Filion
Nacemento12 de febreiro de 1932
 Montreal
Falecemento28 de xullo de 2017
 Quebec
NacionalidadeCanadá
Ocupaciónice hockey coach
editar datos en Wikidata ]

Maurice Filion, nado en Montreal (Quebec, Canadá) o 12 de febreiro de 1932, é un adestrador canadense de hóckey sobre xeo retirado.

Traxectoria[editar | editar a fonte]

Filion non logrou facer carreira como xogador, converténdose en adestrador en 1969. Pasou tres exitosas tempadas á cabeza dos Quebec Remparts da QMJHL. Na súa segunda tempada gañou a Memorial Cup cun equipo formado por numerosas estrelas futuras da National Hockey League (NHL), entre os que destacaba Guy LaFleur. O seu equipo clasificouse de novo para disputar a Memorial Cup ao ano seguinte, mais perdeu nas semifinais.[1] Persoalmente foi nomeado adestrador do primeiro equipo das estrelas na tempada 1969-70, e no segundo equipo na tempada seguinte.[2]

En 1972, deixou os Remparts para unirse á nova franquía profesional da cidade nunha liga maior: os Quebec Nordiques da World Hockey Association.[3] Filion asinou cos Quebec Nordiques durante a súa primeira tempada na (WHA) en 1972-73. Inicialmente estaba previsto que exercera como director de scouting mais, despois de que a antiga estrela da NHL e adestrador inicial de Quebec, Maurice Richard, renunciase por motivos de saúde, asumindo nese momento o seu posto Filion. O carácter interino de Filion foi retirado despois do seu exitoso comezo con 5 vitorias e 2 derrotas na súa carreira na WHA. Despois da tempada, Fillion asumiu o papel de mánager xeral do equipo.[4]

Filion exerceu como mánager xeral do equipo ata 1988, cando foi remprazado por Martin Madden; entón Filion moveuse ao posto de vicepresidente de operacións de hóckey, mais regresou ao papel de mánager xeral interino en 1990. Tamén exerceu como adestrador durante parte da tempada 1977-78 da WHA, e da tempada 1980-81 da NHL, cando se fíxo cargo do banco do equipo logo da marcha de Jacques Demers, mais non permaneceu moito tempo no cargo, xa que Michel Bergeron ocupou o seu posto despois de tan só seis partidos.[5] Nestas dúas tempadas tomou o relevo de adestradores despedidos.[6][7]

Dende que deixou o seu posto nos Nordiques exerceu de vicepresidente do equipo de fútbol da Universidade de Laval e logo como prefecto de disciplina da LHJMQ.[5]

Dende a tempada 2005-06, o Trophée Maurice Filion premia ao mellor director xeral da LHJMQ.[8]

Estatísticas como adestrador[editar | editar a fonte]

Team Year Regular Season Post Season
P V D E OTL Pts Clasificación Resultado
QUE 1972–73 77 33 39 5 - 71 5º na East Division da WHA Non se clasificou para os play-offs
QUE 1977-78 21 13 7 1 - (83) 4º na WHA Perdeu en semifinais
QUE 1980–81 6 1 3 2 - (78) 4º da Adams Division da NHL Non se clasificou para os play-offs

Notas[editar | editar a fonte]

  1. Internet Hockey Database (ed.). "Maurice Filion" (en inglés). Consultado o 30 de xaneiro de 2015. 
  2. lhjmq (ed.). "Équipes d'étoiles de la LHJMQ / QMJHL All-star Teams" (en inglés e francés). Consultado o 30 de xaneiro de 2015. 
  3. Bilan du siècle (ed.). "Maurice Filion (1932-) Entraîneur, Administrateur sportif" (en francés). Consultado o 30 de xaneiro de 2015. 
  4. The Montreal Gazette, ed. (28 de outubro de 1972). "Filion follows Richard as Nordiques' coach" (en inglés). Consultado o 30 de xaneiro de 2015. 
  5. 5,0 5,1 Les Nordiques. Toute l'histoire de 1972 à 1995 (ed.). "Maurice Filion" (en francés). Consultado o 30 de xaneiro de 2015. 
  6. The Montreal Gazette, ed. (20 de xuño de 1980). "Filion is new Quebec coach" (en inglés). Consultado o 30 de xaneiro de 2015. 
  7. The Times News, ed. (1 defebreiro de 1990). "Quebec fires Madden" (en inglés). Consultado o 30 de xaneiro de 2015. 
  8. {PDF] Lista dos trofeos individuais da LHJMQ en http://www.lhjmq.qc.ca[Ligazón morta] (en francés)

Véxase tamén[editar | editar a fonte]

Ligazóns externas[editar | editar a fonte]