Mary Joe Fernández

Mary Joe Fernández
	;
Biografía
Nacemento	19 de agosto de 1971 (52 anos); República Dominicana
Datos persoais
País de nacionalidade	Estados Unidos de América
Altura	176 cm
Peso	63 kg
Lateralidade	destro
Actividade
Ocupación	tenista (1986–2000), comentarista deportiva
Período de actividade	1986 - 2000
Patrimonio estimado	5.258.471 $
Nacionalidade deportiva	Estados Unidos de América
Deporte	tenis
Disciplina deportiva	tenis individual ; tenis dobres
Man de xogo	destro e two-handed backhand (en)
Adestrador	Harold Solomon (pt)
WTA	Info WTA
Traxectoria
Participou en
1996	tennis at the 1996 Summer Olympics – women's doubles (en) (medalla de ouro olímpica)
1992	tennis at the 1992 Summer Olympics – women's doubles (en) (medalla de ouro olímpica)
1992	tennis at the 1992 Summer Olympics – women's singles (en) (Medalla de bronce olímpica)
Familia
Parella	David Wheaton (pt)
Fillos	Nicholas Godsick (pt)
	Premios (1996) Sarah Palfrey Danzig Award (en) ;

María José Fernández Godsick, chamada Mary Joe, nada en Santo Domingo o 19 de agosto de 1971, é unha tenista profesional retirada estadounidense de ascendencia cubana e española. Foi finalista en tres torneos individuais do Grand Slam, e gañou dous torneos de dobres do Grand Slam e dúas medallas de ouro olímpicas.

Traxectoria[editar | editar a fonte]

Fernández naceu na República Dominicana, onde emigraran os seus pais. O seu pai José é de Asturias e a súa nai Silvia Pino é de Cuba.^[1] Completou a educación secundaria na Carrollton School of the Sacred Heart de Miami.^[2]

Mary Joe Fernández chamou por primeira vez a atención no mundo do tenis pola súa sensacional carreira como xogadora júnior, logrando gañar catro veces consecutivas o título júnior Orange Bowl. En 1985, á idade de 14 anos e 8 días, Fernández converteuse na xogadora máis nova que gañou un partido no cadro principal do US Open, ao derrotar a Sara Gomer na primeira rolda 6-1, 6-4.

Fernández fixo a súa entrada no circuíto profesional en 1986. Gañou o seu primeiro título de dobres en 1989 en Dallas, facendo parella con Betsy Nagelsen. O seu primeiro título profesional individual no circuíto conseguiuno en 1990 no torneo de Toquio Indoor.

En 1990 chegou á súa primeira final individual do Grand Slam no Aberto de Australia, en que foi derrotada cun marcador de 6-3, 6-4 pola tenista alemá Steffi Graf. Terminou 1990 na 4.ª praza da clasificación mundial, a súa posición máis alta ao longo da súa carreira.

En 1991, formando parella con Patty Fendick, conseguiu o título de dobres femininos no Aberto de Australia.

Volveu alcanzar a final do Aberto de Australia en 1992. Nesa ocasión perdeu ante Monica Seles por 6-2, 6-3.

Fernández foi elixida para representar aos Estados Unidos nos Xogos Olímpicos de 1992 en Barcelona. Gañou a medalla de ouro en dobres femininos, formando parella con Gigi Fernández, e a medalla de bronce individual.

Nos cuartos de final de Roland Garros de 1993, Fernández protagonizou unha dramática remontada ante Sabatini, despois de que Sabatini dominase por un marcador de 6-1, 5-1. Fernández salvou cinco pelotas de partido no encontro, que durou 3 horas e 36 minutos e que Fernández finalmente gañou 1-6, 7-6(7-4), 10-8. Posteriormente derrotou a Arantxa Sánchez Vicario 6-2, 6-2 en semifinais para alcanzar a súa terceira e última final individual do Grand Slam. Nun apertado partido contra Steffi Graff, Mary Joe finalmente foi derrotada por 4-6, 6-2, 6-4.

Fernández gañou o seu segundo título do Grand Slam en dobres en 1996 en Roland Garros, facendo parella con Lindsay Davenport. A parella tamén se fixo co título de dobres no Masters Feminino da WTA ese mesmo ano.

Fernández substituíu a última hora a Chanda Rubin no equipo estadounidense dos Xogos Olímpicos de 1996 en Atlanta. Gañou a súa segunda medalla de ouro consecutiva en dobres femininos, novamente facendo parella con Gigi Fernández. Tamén participou na competición individual grazas a unha ausencia e alcanzou as semifinais, onde foi derrotada no partido pola medalla de bronce pola tenista checa Jana Novotná. Posteriormente ese mesmo ano, Fernández formou parte do equipo estadounidense que gañou a Copa Federación.

Mary Joe Fernández gañou o seu último título individual en 1997 en Berlín. O seu último título de dobres tamén o conseguiu ese mesmo ano en Madrid. Retirouse da competición no ano 2000.

Tras retirarse do circuíto profesional, Fernández traballou como comentarista de tenis para ESPN e colaborou con CBS Sports como analista no US Open de 2005.

Grand Slam[editar | editar a fonte]

Individual (3 finais)[editar | editar a fonte]

Resultado	Ano	Campionato	Superficie	Adversaria	Marcador
Finalista	1990	Aberto de Australia	Dura	Steffi Graf	3–6, 4–6
Finalista	1992	Aberto de Australia	Dura	Monica Seles	2–6, 3–6
Finalista	1993	Roland Garros	Terra	Steffi Graf	6–4, 2–6, 4–6

Dobres (2 títulos, 4 finais)[editar | editar a fonte]

Resultado	Ano	Campionato	Superficie	Parella	Adversarias	Marcador
Finalista	1989	US Open	Dura	Pam Shriver	Hana Mandlíková Martina Navratilova	7–5, 4–6, 4–6
Finalista	1990	Aberto de Australia	Dura	Patty Fendick	Jana Novotná Helena Suková	6–7^(5–7), 6–7^(6–8)
Campioa	1991	Aberto de Australia	Dura	Patty Fendick	Gigi Fernández Jana Novotná	7–6^(7–4), 6–1
Finalista	1992	Aberto de Australia	Dura	Zina Garrison	Arantxa Sánchez Vicario Helena Suková	4–6, 6–7^(4–7)
Finalista	1996	Aberto de Australia	Dura	Lindsay Davenport	Chanda Rubin Arantxa Sánchez Vicario	5–7, 6–2, 4–6
Campioa	1996	Roland Garros	Terra	Lindsay Davenport	Gigi Fernández Natasha Zvereva	6–2, 6–1
Finalista	1997	Roland Garros	Terra	Lisa Raymond	Gigi Fernández Natasha Zvereva	2–6, 3–6

Xogos Olímpicos[editar | editar a fonte]

Individual (1 broce)[editar | editar a fonte]

Resultado	Ano	Lugar	Superficie	Adversaria	Marcador
Bronce	1992	Barcelona	Terra	-	non houbo

Mary Joe Fernández perdeu nas semifinais contra Steffi Graf 6–4, 6–2. En 1992, non se disputou un partido para o 3.° posto.

Dobres (2 ouros)[editar | editar a fonte]

Resultado	Ano	Lugar	Superficie	Parella	Adversarias	Marcador
Ouro	1992	Barcelona	Terra	Gigi Fernández	Conchita Martínez España Arantxa Sánchez Vicario	7–5, 2–6, 6–2
Ouro	1996	Atlanta	Dura	Gigi Fernández	Jana Novotná Helena Suková	7–6^(9–7), 6–4

Notas[editar | editar a fonte]

↑ McDermott, Barry (6 de xaneiro de 1986). "Young Mary Joe Is On The Go". CNN (online). Sports Illustrated. SI Vault. Arquivado dende o orixinal o 4 de xuño de 2011. Consultado o 27 de abril de 2017.
↑ Murphy, Austin (11 de febreiro de 1991). "The Graduate". Sports Illustrated. p. 76.

Véxase tamén[editar | editar a fonte]

Ligazóns externas[editar | editar a fonte]

Mary-Joe Fernández ESPN Bio

[1] McDermott, Barry (6 de xaneiro de 1986). "Young Mary Joe Is On The Go". CNN (online). Sports Illustrated. SI Vault. Arquivado dende o orixinal o 4 de xuño de 2011. Consultado o 27 de abril de 2017.

[2] Murphy, Austin (11 de febreiro de 1991). "The Graduate". Sports Illustrated. p. 76.

[1]

[2]