Martin Parr

Na Galipedia, a Wikipedia en galego.
Saltar ata a navegación Saltar á procura
Martin Parr
Martin-Parr rennes2010.jpg
Martin Parr durante unha conferencia en Rennes en 2010.
Nacemento23 de maio de 1952
 Epsom
NacionalidadeReino Unido
Alma máterUniversidade Metropolitana de Manchester e Ulster University
Ocupaciónfotógrafo, xornalista, fotojornalista, realizador, director de fotografía, actor, artista e cartófilo
PremiosDr. Erich Salomon Prize e Lucie Award
editar datos en Wikidata ]

Martin Parr, nado en Epsom (Inglaterra) o 23 de maio de 1952, é un fotógrafo británico, membro da axencia Magnum dende 1994. Recoñecido internacionalmente polo seu particular achegamento á fotografía de documentación social, a súa obra caracterízase polo sentido do humor e unha irónica mirada sobre o estilo de vida dos británicos.

Traxectoria[editar | editar a fonte]

Naceu en Epsom (Surrey), Parr quería converterse en fotógrafo profesional dende os catorce anos. A súa primeira influencia foi o seu avó, George Parr, un fotógrafo aficionado e membro da Royal Photographic Society.[1]

Estudou fotografía na Escola Politecnica de Manchester entre 1970 e 1973 cos seus contemporáneos Daniel Meadows e Brian Griffin.

Magnum Photos[editar | editar a fonte]

Martin Parr uniuse a Magnum Photos como membro asociado en 1988. A votación sobre a súa inclusión como membro de pleno dereito en 1994 estivo moi dividida, xa que Philip Jones Griffiths chamou a outros membros para que non fose admitido. Finalmente Parr alcanzou a maioría necesaria de dous terzos por un voto. A membresía de Magnum axudouno a traballar en fotografía editorial, e en fotografía de moda editorial para Paul Smith, Louis Vuitton, Galerie du jour Agnès B. e Madame Figaro.

En 2014, Parr foi elixido presidente de Magnum Photos International, cargo que mantivo durante tres anos e medio, ata 2017.[2]

Ensinanza[editar | editar a fonte]

En 2004 foi nomeado profesor de fotografía na Universidade de Gales, en Newport, e en 2013 na Universidad de Ulster en Belfast. Anteriormente, foi profesor invitado no West Surrey College of Art & Design, hoxe en día coñecido como Universidade para as Artes Creativas.

Premios[editar | editar a fonte]

  • 2005: Membro honorario da Royal Photographic Society
  • 2006: Mestría honoraria, University for the Creative Arts
  • 2006: Premio Dr. Erich Salomon
  • 2008: Medalla do centenario da Royal Photographic Society
  • 2008: Doutor en Artes, título honorario, Manchester Metropolitan University (MMU)
  • 2008: Premio á Traxectoria, PHotoEspaña[3]
  • 2008: Premio Internacional da Sociedad Fotográfica do Xapón
  • 2014: Logro excepcional en fotografía da revista Amateur Photographer
  • 2014: Premio Lucie de Fotografía Documental
  • 2016: Recoñecemento por unha contribución significativa no campo das artes visuais, Royal Academy of Arts
  • 2017: Premio á Contribución Sobresaínte á Fotografía, World Photography Organisation[4]

Notas[editar | editar a fonte]

  1. "Martin Parr: How to put photography in the frame". Independent (en inglés). Arquivado dende o orixinal o 21 de outubro de 2018. 
  2. "Annual General Meeting (AGM)". Magnum Photos (en inglés). 
  3. "Lecture by Martin Parr". California College of the Arts (en inglés). Arquivado dende o orixinal o 21 de outubro de 2018. 
  4. "2017 Sony World Photography Awards grand prize winners announced". Amateur Photographer (en inglés). 

Véxase tamén[editar | editar a fonte]

Ligazóns externas[editar | editar a fonte]