Martiño (nome)

Martiño
	Instancia de nome propio masculino
	Alfabeto alfabeto latino
	Wikidata

Martiño^[1]^[2] é un nome propio masculino galego. A súa orixe é o latín Martinus, derivado de Mars, Martis, de Marte, o deus da guerra da mitoloxía romana. Por vir deste deus significa 'home marcial, belicoso, guerreiro'. En galego tamén ten os hipocorísticos Tiñolo e Martiñoco.^[2] Este nome deu lugar aos apelidos galego Martínez, Martíns, Martís e Martín.

En xaneiro de 2023 existían 597 varóns en Galicia co nome Martiño, cunha media de idade de 10,3 anos.^[3]

Santoral

Celebra a festa o 11 de novembro, por san Martiño de Tours, pero tamén pode facelo o 20 de marzo (Martiño de Dumio), o 13 de abril (san Martiño I) ou o 3 de novembro (Martiño de Porres).

San Martiño de Tours

Artigo principal: Martiño de Tours.

Martiño de Tours (316-397) foi un soldado romano, natural da actual Hungría, que, segundo a lenda, rachou a súa capa en dúas para darlle a metade a un pobre morto de frío ^[4]. Logo deixou o exército, bautizouse e pasou ó servizo de santo Hilario, en Poitiers, onde o nomearon bispo no 370.

Noutras linguas

Alemán: Martin
Asturiano: Martine
Castelán: Martín
Catalán: Martí
Francés: Martin
Inglés: Martin
Italiano: Martino
Vasco: Martiñ ou Matin

Martiños famosos

Martín Codax trobador galego do século XIII, ao que foi dedicado o Día das Letras Galegas de 1998 xunta a Johan de Cangas e Mendinho;
Martiño I o Humano, rei da coroa de Aragón;
Martin Luther King, activista que defendeu os dereitos dos negros estadounidenses;
Martiño Lutero, iniciador da Reforma protestante;
Frei Martín Sarmiento (1695-1772).

Notas

↑ Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.
↑ ^2,0 ^2,1 Boullón Agrelo, A. I. (coord.) (2022). "Martiño". Guía de nomes galegos. A Coruña: Real Academia Galega. <https://academia.gal/nomes>. Consultado o 12/3/2025.
↑ Nome Martiño na Web do Instituto Galego de Estatística
↑ Deulle só media capa porque, daquela, a metade de tódalas súas pertenzas correspondíalle ó César.

Véxase tamén

Outros artigos

[1] Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.

[RAG-2] 2,0 ^2,1 Boullón Agrelo, A. I. (coord.) (2022). "Martiño". Guía de nomes galegos. A Coruña: Real Academia Galega. <https://academia.gal/nomes>. Consultado o 12/3/2025.

[3] Nome Martiño na Web do Instituto Galego de Estatística

[4] Deulle só media capa porque, daquela, a metade de tódalas súas pertenzas correspondíalle ó César.

[1]

[2]

[3]

[4]