Mart Saar

Mart Saar
	; (1932)
Biografía
Nacemento	16 de setembro de 1882 (Xuliano) ; Hüpassaare, Estonia
Morte	28 de outubro de 1963 (81 anos); Talín, Estonia
Educación	Conservatorio de San Petersburgo
Actividade
Campo de traballo	Música, interpretación de órgano, interpretación de piano e canción popular
Ocupación	compositor, folclorista, pedagogo, organista, pianista
Xénero artístico	Música clásica
Profesores	Nikolai Rimsky-Korsakov, Anatoly Lyadov e Louis Homilius
Alumnos	Ester Mägi e Jaan Rääts
Instrumento	Órgano
Premios
	Bandeira Vermella do Traballo ;

Mart Saar, nado en Hüpassaare o 28 de setembro de 1882, e finado en Talín o 28 de outubro de 1963, foi un compositor, organista e recolector de cancións populares estoniano.

Traxectoria

Saar naceu no pequeno distrito de Hüpassaare^[1] (hoxe en Karjasoo, Suure-Jaani), Kreis Fellin na Gobernación de Livonia, daquela parte do Imperio Ruso (hoxe Estonia), fillo de Mihkel e Ann Saar (nada Kimmel). O seu pai traballaba no negocio forestal. Era o máis vello de catro irmáns: Anna (1885–1968), Hans (1895–1979) e Jaan (1897–1898). Recibiu a súa educación na escola da aldea en Kaansoo e na escola de Suure-Jaani. O seu mestre de música en Suure-Jaani foi Joosep Kapp, pai de Artur Kapp, outro compositor estoniano de sona.^[1] Ademais, o pai de Saar era un organista talentoso, que lle daba clases na casa.

En 1901, Saar deixou a casa para estudar música no Conservatorio de San Petersburgo.^[1] Licenciouse en 1908 pero optou por continuar os seus estudos. Despois de graduarse en 1911, converteuse en profesor de música en Tartu. Dez anos máis tarde, en 1921, trasladouse a Talín, como compositor e organista autónomo. Pasaba os veráns no seu barrio natal de Hüpassaare.

En agosto de 1915, casou con Elise Paalmann. A parella tivo dous fillos, Heli (1917–1975) e Ülo (1927–1945). O matrimonio rematou nun divorcio cando Elise se trasladou aos Estados Unidos en 1937, esperando inicialmente que Saar se unise a ela. Porén, Saar decidiu que non quería saír de Estonia. Saar máis tarde casou con Magda Elisabeth Takk e tivo unha filla chamada Tuuli.^[2]

Obras seleccionadas

As obras para coro mixto inclúen:

Põhjavaim (Espírito do Norte)
Seitse Sammeldunud Sängi (Sete tumbas revestidas de musgo)
Oh Kodumaa (Oh, a miña patria)
Mis Sa Nutad, tammekene? (Por que choras, carballo?)
Kõver Kuuseke (Abeto Torcido)
Mälestus (Unha lembranza)
Allik (Wellspring)

As obras para coro masculino inclúen:

Küll ma Laulaks (I Would Sing)

As obras para coro feminino inclúen:

Päikesele (Ao Sol)

As cancións de solista inclúen:

Must Lind (Black Bird)
Lauliku Talveüksindus (Soidade invernal do cantante)

A música de piano inclúe:

20 Rahvaviisi (20 cancións populares)
Eesti Süidid (Suites de Estonia)
Prelüüd ja Fuuga G-duur (Preludio e fuga en sol)
Humoresk (humoresco)
Skizze (Preludios)

Notas

↑ ^1,0 ^1,1 ^1,2 "Mart Saar. 70 aastane". Meie kodu (Sydney, NSW). 2 de outubro de 1952. p. 2. Consultado o 30 de decembro de 2024 – vía Newspapers.com.
↑ Postimees.Helilooja tütar kaalub Hüpassaare maja riigilt tagasiküsimist. 7 de agosto de 2002. Consultado o 7 de xuño de 2016.

Véxase tamén

Ligazóns externas

Biografía de Mart Saar (en estoniano)
Exemplos da música para piano de Saar (en inglés)

[70_aastane-1] 1,0 ^1,1 ^1,2 "Mart Saar. 70 aastane". Meie kodu (Sydney, NSW). 2 de outubro de 1952. p. 2. Consultado o 30 de decembro de 2024 – vía Newspapers.com.

[2] Postimees.Helilooja tütar kaalub Hüpassaare maja riigilt tagasiküsimist. 7 de agosto de 2002. Consultado o 7 de xuño de 2016.

[1]

[2]