Mars Science Laboratory

Na Galipedia, a Wikipedia en galego.
Saltar ata a navegación Saltar á procura
Mars Science Laboratory
Curiosity selfie on Mars.jpg
Autofoto de Curiosity
TipoCientífico
OrganizaciónNASA
Destino actualNa superficie de Marte.[1][2][3]
Data de lanzamento26 de novembro de 2011, 15:02 GMT[1][4][5][6]
Foguete portadorAtlas 5[1][3]
Sitio de lanzamentoCabo Cañaveral[1][2]
Obxectivo da misiónEstudo de Marte.[1][2]
NSSDC ID2011-070A
Masa3839 kg ao lanzamento, 750 kg só o róver[1]

Mars Science Laboratory ou MSL, tamén coñecido polo nome do róver, Curiosity, é unha sonda espacial da NASA lanzada o 26 de novembro de 2011 mediante un foguete Atlas 5 desde Cabo Cañaveral para estudar Marte.[1][2][3]

Características[editar | editar a fonte]

MSL é un róver de exploración marcián enviado para estudar a superficie do planeta vermello e determinar se foi habitabla nalgún momento da súa historia. Os seus obxectivos científicos son:[1][2][3]

  • Determinar a natureza e cantidades dos compostos orgánicos na superficie de Marte.
  • Buscar a presenza de moléculas esenciais para a vida.
  • Identificar trazos na superficie que poidan ser o efecto de procesos biolóxicos.
  • Investigar a composición química, isotópica e mineralóxica da superficie marciana e do subsolo inmediato.
  • Interpretar os procesos que formaron e modificaron as rocas e o solo marcianos.
  • Determinar a evolución da atmosfera marciana en langos períodos de tempo, ata fai 4000 millóns de anos.
  • Determinar a situación presente, distribución e ciclos do auga e o dióxido de carbono marcianos.
  • Estudar a contorna de radiación que chega á superficie.

O róver ten seis rodas e mide uns 2,8 m de lonxitude, cunha masa de 750 kg. O corpo principal do vehículo está formado pola caixa que contén a electrónica e os procesadores, chamada WEB (Warm Electronics Box). Sobre ela atópase a cuberta de equipamento, co mastro, as cámaras e outro equipamento científico. O róver tamén conta cun brazo robotizado con instrumentación científica. A velocidade máxima do róver é de 4 cm/s e obtén a súa enerxía dun Xerador Termoeléctrico de Radioisótopos (RTG polas súas siglas en inglés) alimentado por plutonio que producía 125 W de potencia ao inicio da misión.[1][2][3]

Perfil da misión[editar | editar a fonte]

MSL foi lanzado dentro dun escudor protector acaroado a unha etapa de cruceiro o 26 de novembro de 2011 ás 15:02 UTC mediante un Atlas V na súa versión 541. Chegou a Marte en agosto de 2012, tras 8 meses de travesía espacial. O 6 de agosto a cápsula con Curiosity no seu interior entrou na atmosfera marciana, protexido por un escudo térmico e facendo unha serie de manobras en S para reducir a súa velocidade. Tres minutos antes da aterraxe a cápsula despregou un paracaídas, usando retrofoguetes na etapa final do descenso. O róver tocou solo ás 5:32 UTC do 6 de agosto de 2012 no cráter Gale. Tras varios días de comprobacións, Curiosity púxose en marcha o 22 de agosto para comezar o seu estudo de Marte.[1][2][3]

Notas[editar | editar a fonte]

  1. 1,0 1,1 1,2 1,3 1,4 1,5 1,6 1,7 1,8 1,9 NASA (14 de maio de 2020). "Mars Science Laboratory (MSL)" (en inglés). Consultado o 24 de setembro de 2020. 
  2. 2,0 2,1 2,2 2,3 2,4 2,5 2,6 Mark Wade (2020). "MSL" (en inglés). Consultado o 24 de setembro de 2020. 
  3. 3,0 3,1 3,2 3,3 3,4 3,5 Gunter Dirk Krebs (2020). Gunter's Space Page, ed. "Mars Science Laboratory (MSL, Curiosity)" (en inglés). Consultado o 24 de setembro de 2020. 
  4. N2YO (2020). Real Time Satellite Tracking, ed. "MSL" (en inglés). Consultado o 24 de setembro de 2020. 
  5. "Note verbale dated 1 March 2012 from the Permanent Mission of the United States of America to the United Nations (Vienna) addressed to the Secretary-General" (PDF) (12-52306(E)). 10 de abril de 2012: 4. Consultado o 24 de setembro de 2020. 
  6. Claude Lafleur (2020). "Curiosity / MSL" (en inglés). Consultado o 24 de setembro de 2020. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]