Marko Luković
Río Breogán – No. 17 | |
Información persoal | |
---|---|
Nacemento | 26 de maio de 1992 (31 anos) Belgrado, Serbia |
Altura | 2,07 m (6 ft 10 in) |
Peso oficial | 92 kg (203 lb) |
Posición | Ala-pivote |
Información da carreira | |
NBA Draft | 2014 / Rolda: Non drafteado |
Internacional | Serbia |
Carreira | 2009−presente |
Historial de equipos | |
Mega Vizura (2009–2014) KLS / ABA TBB Trier (2014–2015) BBL MZT Skopje (2015–2016) ABA Krka Novo Mesto (2015–2016) 1. A / ABA UCAM Murcia (2017–2018) ACB ESSM Le Portel (2018) LNB Pro A Bàsquet Manresa (2018–2019) ACB Igokea (2019) ABA Koper Primorska (2019–2020) 1. A / ABA Split (2020–2021) HTPL / ABA Río Breogán (2021− ) ACB |
Marko Luković (en serbio: Марко Луковић), nado o 26 de maio de 1992 en Belgrado, é un xogador serbio de baloncesto profesional internacional. Formado nas categorías inferiores do Mega Vizura de Belgrado, actualmente xoga para o Río Breogán da Liga ACB.[1] Cunha altura de 2,07 m, xoga na posición de ala-pivote.[2]
Traxectoria[editar | editar a fonte]
Nado en Belgrado, Serbia, Luković formouse nas categorías inferiores dun dos clubs máis prestixiosos da súa cidade natal, o KK Mega Leks. No club belgradino debutou como profesional en marzo de 2009. Alí xogaría outras sete temporadas, asinando en 2014 co TBB Trier da Basketball Bundesliga, a máxima categoría do baloncesto alemán. Após a finalización da temporada, asina polo KK MZT Skopje macedonio, onde xoga na Liga do Adriático alén de na competición local. Co MZT consegue ser campión de Liga e Copa, competición na que foi escollido como mellor xogador.[3]
Na temporada 2016−17 asina co KK Krka de Novo Mesto, Eslovenia, onde foi un dos mellores xogadores da Liga do Adriático, sendo o quinto máis valorado (17,3), o cuarto máis anotador (16,8) e o terceiro máis reboteador (7,3). A boa temporada fai que chame a atención do UCAM Murcia da Liga ACB, porén a mala situación tanto do xogador como do equipo levano a rescindir o seu contrato co equipo e asinar polo ESSM Le Portel da LNB Pro A. Na seguinte temporada xoga para o Bàsquet Manresa, aínda que en xaneiro regresa á Liga ABA da man do Igokea, onde fai unha media de 12,6 puntos e 3,9 rebots por encontro. Nas dúas seguintes temporadas non se move da liga adriática, xogando para o Koper Primorska e para o Split, onde fai unha media de 15,3 puntos, 4,6 rebotes e 3,0 asistencias por encontro. O 28 de xullo de 2021 regresa á Liga ACB asinando polo Río Breogán da Liga ACB.[1]
Clubs[editar | editar a fonte]
Ao longo da súa carreira, Luković ten xogado para os seguintes equipos profesionais:[2]
- Mega Vizura (KLS / ABA, 2009–2014)
- TBB Trier (BBL, 2014−2015)
- MZT Skopje (ABA, 2015−2016)
- Krka Novo Mesto (1. A / ABA, 2016−2017)
- UCAM Murcia (ACB / BCL, 2017–2018)
- ESSM Le Portel (LNB Pro A, 2018)
- Bàsquet Manresa (ACB, 2018–2019)
- Igokea (ABA, 2019)
- Koper Primorska (1. A / ABA, 2019−20)
- Split (HTPL / ABA, 2020−21)
- CB Breogán (ACB, 2021− )
Notas[editar | editar a fonte]
- ↑ 1,0 1,1 "Marko Lukovic, novo xogador do Río Breogán". CB Breogán. 28 de xullo de 2021. Consultado o 30 de xullo de 2021.
- ↑ 2,0 2,1 "Marko Lukovic, Basketball Player". Proballers (en inglés). Consultado o 30 de xullo de 2021.
- ↑ Miljanić, Đorđe (22 de febreiro de 2016). "MZT-u Kup, Luković MVP". mvp.rs (en serbio). Consultado o 30 de xullo de 2021.
Véxase tamén[editar | editar a fonte]
Ligazóns externas[editar | editar a fonte]
- Perfil en acb.com (en castelán)
- Perfil en Proballers (en inglés)
- Nados en 1992
- Nados en Belgrado
- Xogadores de baloncesto de Serbia
- Ala-pivotes de baloncesto
- Xogadores de baloncesto da ACB
- Xogadores do KK Mega Basket
- Xogadores do KK MZT Skopje
- Xogadores do KK Krka
- Xogadores do CB Murcia
- Xogadores do ESSM Le Portel
- Xogadores do Bàsquet Manresa
- Xogadores do KK Igokea
- Xogadores do KK Koper Primorska
- Xogadores do KK Split
- Xogadores do Club Baloncesto Breogán