Maria Fullana
  | |
| Biografía | |
|---|---|
| Nacemento | (ca) Maria Fullana i Montoro 16 de xuño de 1958 (68 anos)Valencia |
| Educación | Universidade de Sevilla |
| Actividade | |
| Ocupación | poetisa, tradutora, escritora, profesora |
 | |
Maria Fullana i Montoro, nada en Valencia o 16 de xuño de 1958, é unha poeta, narradora, tradutora e profesora xubilada valenciana.[1][2]
Traxectoria
[editar | editar a fonte]Licenciada en filoloxía hispánica pola Universidade de Sevilla en 1980, exerceu profesionalmente como mestra de secundaria de catalán.[2] Entre as súas publicacións no eido da poesía salientan os poemarios Cants mimètics (1986), I escadussers (1987), Blues (1989) e Ícara (1990); tamén foi antologada en Paisatge emergent. Trenta poetes catalanes del segle XX (1999) e en Contemporànies. Antologia de poetes dels Països Catalans (1999), entre outros. É autora de obras narratives como Contes feiners (1990) e Joc de dames (1992), así como da obra de literatura infantil Bon viatge fa la cadernera (1995).[1] Tamén participou nalgunhas obras colectivas como Premis de poesia Senyoriu d'Ausiàs Marc (1997) e Microsexe (1998).[2]
En 1986 recibiu o premio "Manuel Rodríguez Martínez de poesía de Alcoi", por Cants mimètics, e en 1988 o premio Senyoriu d'Ausiàs March, por Blues.[2][1]
No eido do ensaio escribiu Pensades, unha escolma de aforismos, publicada en 2019 pola editorial Neopàtria.
Notas
[editar | editar a fonte]- 1 2 3 "Maria Fullana i Montoro". Diccionari Enciclopèdic de la Literatura Catalana (Barcelona: Grup Enciclopèdia Catalana).
- 1 2 3 4 "Fullana, Maria". Institució de les Lletres Catalanes (ILC). Consultado o 11 de febreiro de 2018.
