Margherita Hack
.jpg)
Margherita Hack, nada en Florencia o 12 de xuño de 1922 e finada en Trieste o 29 de xuño de 2013, foi unha astrofísica, divulgadora científica e activista italiana.[1]
Traxectoria
[editar | editar a fonte]O seu pai Robert Hack, era un contador de orixe suíza e de relixión protestante. A súa nai, María Luisa Pogessi, toscana, era católica e graduada da academia de belas artes e, miniaturista na galería dos Uffizi. Ambos foron membros da Sociedade Teosófica italiana, da que Robert chegou a ser presidente.[2]
Despois de completar os seus estudos (aínda que non realizou os exames debido á segunda guerra mundial) no Liceo Classico "Galileo" en Florencia, graduouse en Física en 1945 cunha cualificación de 101/110 cunha tese de Astrofísica das Cefeidas, realizada no Observatorio de Arcetri da Universidade de Florencia, durante a dirección de Giorgio Abetti, quen se convertería para ela nun modelo científico, docente e de xerencia dun centro de investigación científica.[3][4][5]
Na súa mocidade foi campioa en salto de altura e salto de lonxitude.[6][7][8] En febreiro de 1944 casou con Aldo De Rosa na igrexa de San Leonardo de Arcetri.[9]
Morreu o 29 de xuño de 2013, á idade de noventa e uns anos no hospital de Cattinara en Trieste, no que foi hospitalizada por problemas cardíacos; desde había uns dous anos presentaba problemas respiratorios e de motricidad.[10][11]
Actividade científica
[editar | editar a fonte]Foi profesora titular de astronomía na Universidade de Trieste desde 1964 até o 1 de novembro de 1992, ano da súa xubilación.[12] Foi a primeira muller italiana en dirixir o Observatorio Astronómico de Trieste; desde 1964 até 1987, levándoo a obter renome internacional.[13]
Membro de importantes sociedades de física e astronomía, Margherita Hack tamén foi directora do Departamento de Astronomía da Universidade de Trieste desde 1985 até 1991 e desde 1994 até 1997. Foi membro da Accademia Nazionale dei Lincei (socia nacional da clase de ciencias físicas, matemáticas e naturais; segunda categoría: astronomía, xeodesia, xeofísica e aplicacións; sección A: Astronomía e aplicacións). Traballou para numerosos observatorios estadounidenses, europeos e estatais por longo tempo como membro do grupo de traballo da Axencia Espacial Europea e da NASA.[14] En Italia, despois dunha intensa actividade de fomento, logrou que a comunidade astronómica italiana expandise a súa actividade mediante o uso de varios satélites, alcanzando así un nivel de renome internacional.[15][13]
Publicou numerosos artigos orixinais en revistas internacionais, así como libros, tamén populares a nivel universitario. Recibiu os premios Targa Giuseppe Piazzi (1994) e premio internacional Cortina Ulisse (1995) polas súas investigacións científicas.
En 1978 fundou a revista bimensual L'Astronomia cuxo primeiro número saíu en novembro de 1979; posteriormente xunto a Corrado Lamberti, dirixiu a revista de divulgación científica e de cultura astronómica Lle Stelle''.[12][16]
Recoñecementos
[editar | editar a fonte]- 27 de maio de 1998, Medalla de Ouro da Orde Italiana do Mérito na Cultura e as Artes.[17]
- 28 de maio de 2012, Dama Gran Cruz da Orde ao Mérito da República Italiana..[17]
Notas
[editar | editar a fonte]- ↑ "Fallece astrofísica italiana Margherita Hack". www.elheraldo.hn (en castelán). Consultado o 2022-03-15.
- ↑ Teosofica. "Teosofia in Italia" (en italiano). Consultado o 9 de marzo de 2015.
- ↑ "Zichichi-Hack". YouTube. 23 de outubro de 2009.
- ↑ "Margherita Hack". wikipedia.org.
- ↑ "Biografia di Margherita Hack". ticonuno.it. Arquivado dende o orixinal o 9 de setembro de 2007. Consultado o 30 de xuño de 2013.
- ↑ "Partenza! Chi ha già fatto la scelta vegetariana e vegan?". vegfacile.info.
- ↑ "L'astrofisica Hack, stella dei Littoriali del fascismo". laprovinciadicomo.it.
- ↑ Sacchettoni Ilaria. "«Giurai al regime, volevo la medaglia vinta in atletica» Margherita Hack". corriere.it.
- ↑ "Repubblica.it » persone » Margherita Hack, la voglia di vivere diecimila anni". repubblica.it.
- ↑ Rai News 24 (29 de xuño de 2013). "Morta l'astrofisica Margherita Hack" (en italiano). Arquivado dende o orixinal o 29 de xuño de 2013. Consultado o 2 de xaneiro de 2013.
- ↑ Addio Margherita Hack, una vita controcorrente guardando le stelle
- ↑ 12,0 12,1 Hack, Margherita (2000). L'amica delle stelle. Storia di una vita. Rizzoli. p. 293. ISBN 978-88-17-25870-8.
- ↑ 13,0 13,1 "Hack, Margherita". www.treccani.it. Consultado o 12 de xullo de 2012.
- ↑ "Conferenza di Margherita Hack a Caorle". castfvg.it.
- ↑ "Margherita Hack". Enciclopedia Multimediale delle Scienze Filosofiche. Arquivado dende o orixinal o 5 de novembro de 2011. Consultado o 14 de marzo de 2015.
- ↑ Pagina Storica de "Le Stelle"
- ↑ 17,0 17,1 Quirinal. "HACK Margherita" (en italiano). Consultado o 9 de marzo de 2014.
Véxase tamén
[editar | editar a fonte]Bibliografía
[editar | editar a fonte]- Francesca Cavallo e Elena Favilli (2017). Cuentos de buenas noches para niñas rebeldes. Editorial: Destino Infantil y Juvenil ISBN: 978-950-49-5870-3
Ligazóns externas
[editar | editar a fonte]- Margherita Hack, la astrónoma “atea, feminista y vegetariana en una Italia católica, machista y carnívora” no blog Mujeres con Ciencia
