Margarita Salas

Margarita Salas
	; (2009)
Biografía
Nacemento	(es) Margarita Salas Falgueras ; 30 de novembro de 1938 ; Caneiru, España
Morte	7 de novembro de 2019 (80 anos); Madrid, España
Presidenta Instituto de España
	1995 – 2019
Datos persoais
Residencia	Madrid
Educación	Universidade Complutense de Madrid - Licenciatura, doutoramento ; Colegio de la Asunción, Gijón (en)
Director de tese	Alberto Sols (pt)
Actividade
Campo de traballo	Xenética molecular, Bioquímica e xenética
Ocupación	bioquímica, bióloga molecular, xenetista, profesora universitaria, xenetista molecular, científica
Empregador	Centro de Bioloxía Molecular Severo Ochoa (1975–2019) , morte da persoa; Universidade Autónoma de Madrid (1968–1992) ; Consello Superior de Investigacións Científicas (1967–1977) ; Universidade de Nova York, investigadora posdoutoral (1964–1967)
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (2007–); Real Academia Española (2003–); Academia Europaea (1988–); Real Academia de Ciencias Exactas, Físicas e Naturais (1988–); Academia Europea das Ciencias e Artes ; Academia das Artes e das Ciencias dos Estados Unidos
Obra
Doutorando	María Blasco Marhuenda e Jesús Avila
Outro
Título	Marquesado de Canero (2008–)
Cónxuxe	Eladio Viñuela (1963–1999), morte do cónxuxe
Premios
	(2019) Premio ao Inventor Europeo../... 28+ ;

Margarita Salas Falgueras, nada en Caneiru (Valdés) o 30 de novembro de 1938 e finada en Madrid o 7 de novembro de 2019^[1]^[2], foi unha bioquímica asturiana.^[3]

Traxectoria

Licenciada en Ciencias Químicas pola Universidade Complutense de Madrid, publicou máis de 200 traballos científicos. Foi discípula de Severo Ochoa, co que traballou nos Estados Unidos, despois de facelo con Alberto Sols en Madrid. Casada co tamén científico Eladio Viñuela, xuntos encargáronse de impulsar a investigación española no campo da bioquímica e da bioloxía molecular.

Pertenceu a varias das máis prestixiosas sociedades e institutos científicos nacionais e internacionais, colaborando e sendo membro do consello editorial de importantes publicacións científicas. Obtivo diferentes galardóns, sendo nomeada "Investigadora Europea" en 1999 pola UNESCO, e recibiu o premio Xaime I de investigación en 1994. Foi directora do Instituto de España (1995-2003), organismo que agrupa á totalidade das Reais Academias Españolas.

Investigou no Centro de Bioloxía Molecular "Severo Ochoa", centro de investigación mixto do CSIC e da Universidade Autónoma de Madrid, traballou dende finais dos 1960 co virus bacteriófago Phi29, que infecta unha bacteria non patóxena, Bacillus subtilis, de grande utilidade na investigación en biotecnoloxía.^[4]

Foi membro da Real Academia de Ciencias Exactas, Físicas e Naturais (dende 1988) e presidenta da Fundación Severo Ochoa. O 4 de xuño de 2003 tomou posesión da cadeira i da Real Academia Española, sendo a primeira muller científica en ingresar nesta institución.^[5]

En maio de 2007 foi nomeada membro da Academia Nacional de Ciencias dos Estados Unidos, sendo a primeira muller española da institución.

En xullo de 2008, polo Real Decreto 1175/2008, BOE do 12 de xullo, o rei Xoán Carlos I nomeouna Marquesa de Canero.

No 2019, con máis de 80 anos, seguía a traballar diariamente como investigadora no laboratorio.^[6]

No 2022 o Ministerio de Ciencia e Innovación publicou as bases da primeira convocatoria dos Premios Nacionales de Investigación para Jóvenes, entre eles o Premio Nacional Margarita Salas, na área de bioloxía.^[7]

Premios destacados

1994 Premio Rey Jaime I de Investigación.
1999 Premio Nacional de Investigación Santiago Ramón y Cajal.
2000 Premio L'Oréal-UNESCO a Mulleres en Ciencia
2005 Medalla de Ouro ó Mérito no Traballo.
2016 Medalla Echegaray (Real Academia de Ciencias Exactas, Físicas e Naturais) Foi a primeira muller en recibila.^[6]

Notas

↑ "Falece Margarita Salas, un grande referente da ciencia". GCiencia. 7 de novembro de 2019.
↑ "Fallece Margarita Salas, una de las mayores científicas españolas del siglo XX Consejo Superior de Investigaciones Científicas - CSIC - csic.es". www.csic.es. Consultado o 2020-03-25.
↑ "Margarita Salas, pasión por la biología molecular". Mujeres con ciencia (en castelán). 2018-02-20. Consultado o 2020-03-25.
↑ Salas, Margarita (2012-11-02). "My life with bacteriophage Ø29". Journal of Biological Chemistry (en inglés): jbc.X112.433458. ISSN 0021-9258. PMID 23124207. doi:10.1074/jbc.X112.433458. Arquivado dende o orixinal o 26 de setembro de 2019. Consultado o 25 de marzo de 2020.
↑ "Margarita Salas Falgueras". www.rae.es (en castelán). Consultado o 2020-03-25.
↑ ^6,0 ^6,1 "«Cuando hice la tesis se pensaba que la mujer no valía para investigación»". La Voz de Galicia (en castelán). 18/2/2019. Consultado o 20/2/2019.
↑ "La Moncloa. 26/05/2022. El Ministerio de Ciencia e Innovación crea los Premios Nacionales de Investigación para Jóvenes [Prensa/Actualidad/Ciencia e Innovación]". www.lamoncloa.gob.es. Consultado o 2022-05-29.

Véxase tamén

Bibliografía

De Marchi, Vichi,. (2020). Ellas son de ciencias : Historias, pasiones y sueños de 15 científicas. Madrid: Ediciones del Laberinto. ISBN 978-84-1330-038-2
Palacios, Mercedes (2020). Visionarias. Inventoras desconocidas. Ed. Bridge. ISBN: 9788416670888.

Enciclopedia Microsoft Encarta (DVD) (en castelán). Microsoft Corporation. 2009.

Outros artigos

A ciencia ten nome de muller (en Wikibooks)

Ligazóns externas

Margarita Salas na exposición virtual Mulleres na Ciencia

¿Por qué tan pocas? Margarita Salas Arquivado 16 de novembro de 2020 en Wayback Machine.

[1] "Falece Margarita Salas, un grande referente da ciencia". GCiencia. 7 de novembro de 2019.

[2] "Fallece Margarita Salas, una de las mayores científicas españolas del siglo XX Consejo Superior de Investigaciones Científicas - CSIC - csic.es". www.csic.es. Consultado o 2020-03-25.

[3] "Margarita Salas, pasión por la biología molecular". Mujeres con ciencia (en castelán). 2018-02-20. Consultado o 2020-03-25.

[4] Salas, Margarita (2012-11-02). "My life with bacteriophage Ø29". Journal of Biological Chemistry (en inglés): jbc.X112.433458. ISSN 0021-9258. PMID 23124207. doi:10.1074/jbc.X112.433458. Arquivado dende o orixinal o 26 de setembro de 2019. Consultado o 25 de marzo de 2020.

[5] "Margarita Salas Falgueras". www.rae.es (en castelán). Consultado o 2020-03-25.

[:0-6] 6,0 ^6,1 "«Cuando hice la tesis se pensaba que la mujer no valía para investigación»". La Voz de Galicia (en castelán). 18/2/2019. Consultado o 20/2/2019.

[7] "La Moncloa. 26/05/2022. El Ministerio de Ciencia e Innovación crea los Premios Nacionales de Investigación para Jóvenes [Prensa/Actualidad/Ciencia e Innovación]". www.lamoncloa.gob.es. Consultado o 2022-05-29.

[1]

[2]

[3]

[4]

[5]

[6]

[7]