Amparo Alvajar

Na Galipedia, a Wikipedia en galego.
(Redirección desde «María del Amparo Alvajar López Jean»)
Amparo Alvajar
Nacemento11 de agosto de 1916
Lugar de nacementoA Coruña
Falecementomaio de 1998
Lugar de falecementoMonção
NacionalidadeEspaña
Ocupaciónxornalista, dramaturga e tradutora
PaiCésar Alvajar
NaiAmparo López Jean
CónxuxeArturo Cuadrado
IrmánsAna María Alvajar L. Jean, María Teresa Alvajar e Javier Alvajar López
editar datos en Wikidata ]

María del Amparo Alvajar López Jeán, nada na Coruña o 11 de agosto de 1916 e finada en Monção en maio de 1998, foi unha xornalista, tradutora e escritora galega.

Traxectoria[editar | editar a fonte]

Filla do político republicano César Alvajar e de Amparo López Jeán, era irmá de Ana María Alvajar, María Teresa Alvajar López e Javier Alvajar López. Destacou dende nova polos seus dotes musicais e intelectuais. Estudou Comercio na Coruña. Na Segunda República traballou no concello da Coruña e foi secretaria de Casares Quiroga. Co triunfo da Fronte Popular marchou a Madrid a traballar para os Servizos Secretos do Ministerio da Gobernación que dirixía Casares Quiroga. Logo do Golpe de Estado do 18 de xullo de 1936 trasladouse a Valencia onde casou con Arturo Cuadrado. Despois trasladouse co goberno até Barcelona onde naceu a súa única filla, Silvia. Exiliouse en Francia e embarcou en Bordeos cara a Buenos Aires. Amparo viviu na Arxentina até 1955, onde publicou artigos e ensaios sobre o teatro e sobre Galicia e fixo traducións ao castelán. Tamén estreou as comedias dramáticas Amada y Tú e Un balcón para los Lester. Casou posteriormente cun avogado arxentino co que se trasladou a México. Anos despois volveu separarse, e trasladouse a traballar a Nova York como tradutora da ONU. Despois marchou a París, onde traballou como tradutora do Correo da UNESCO. En 1961 foi directora do equipo de tradución da OIT en Xenebra e tamén foi tradutora no Comité de Desarme, na Organización de Enerxía Atómica e durante a conferencia sobre seguridade europea. Cando se xubilou trasladouse a vivir a Monção onde morreu en maio de 1998.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]