María Xosé Agra

Na Galipedia, a Wikipedia en galego.
(Redirixido desde "María Xosé Agra Romero")
Saltar ata a navegación Saltar á procura
María Xosé Agra
Nacemento11 de febreiro de 1956
 Santiago de Compostela
NacionalidadeEspaña
Ocupaciónfilósofa
[ editar datos en Wikidata ]

María Xosé Agra Romero, nada en Santiago de Compostela [1]o 11 de febreiro de 1956, é unha filósofa galega especialista en filosofía política e teoría crítica feminista. É membro da comisión de xénero do Consello da Cultura Galega.

Traxectoria[editar | editar a fonte]

Licenciada en Filosofía e Ciencias da Educación, Sección Filosofía e Doutora en Filosofía e profesora de Filosofía moral e política da Universidade de Santiago de Compostela. Traballa en Filosofía política, teorías de xustiza e teoría crítica feminista. Desde 2007 é Catedrática de Filosofía Moral e Política da Universidade de Santiago de Compostela.[2][3]​​ É coordinadora do Grupo de Investigación " Xustiza e Igualdade" da USC e membro do Centro de Investigacións Feministas de Estudos de Xénero (CIFEX) da Universidade de Santiago de Compostela, ademais de membro do plenario do Consello de Cultura Galego.[3]​ É especialmente coñecida polos seus traballos no ámbito da Filosofía Política e a Teoría crítica feminista. Investigou sobre a vulnerabilidade humana, xustiza e igualdade. Okin, Iris Marion Young, Adriana Cavarero, Judith Butler ou Shklar son algunhas das autoras sobre as que reflexiona para expor a complexidade das raíces dos desequilibrios da nosa sociedade.[4]

Integrouse no grupo de investigadoras do proxecto «Feminismo, Ilustración y Multiculturalidad: procesos de ilustración en el Islam y sus implicaciones para las mujeres», dirixido pola doutora Celia Amorós Puente.[5]

En¿Olvidar a Clitemnestra? Sobre justicia e igualdad (2016) a filósofa realiza unha análise exhaustiva das complexas relacións no mundo contemporáneo entre xustiza e igualdade, desde un punto de vista que a autora considera privilexiado, a crítica feminista.[6]

Obras[editar | editar a fonte]

  • ¿Olvidar a Clitemnestra? Sobre justicia e igualdad (2016) Santiago de Compostela: USE Editora.
  • Cara a unha poética feminista. Homenaxe a María Xosé Queizán (2011) ISBN: 978-84-9914-232-6
  • En torno a la justicia (1999) María José Agra, Luis G. Soto, Cristina Caruncho Michinel
  • Feminismo y filosofía (2000). Celia Amorós y María Xosé Agra [1]
  • Ecología y feminismo (1998) ISBN: 978-84-8151-578-7 (compiladora)
  • Corpo de muller: discurso, poder, cultura. Obra colectiva. (1997) ISBN 978-84-87847-87-5 (editora)
  • J. Rawls (1985) ISBN: 978-84-7191-352-4

Artigos[editar | editar a fonte]

  • "Ciudadanía, feminismo y globalización" (2008).[7]
  • "Ciudadanía: ¿Un asunto de familia?" Isegoría (2008).[8]
  • "Del sexo y del género: epistemología y política (2017). Anuario de literatura comparada 1616. Universidade de Salamanca.[9]

Notas[editar | editar a fonte]

  1. ↑ "Curriculum Vitae normalizado. María José Agra Romero" (PDF). www.ucm.es. Consultado o 23/01/2018. 
  2. ↑ "Horario del profesor. Facultad de Filosofía. USC". www.usc.es. Consultado o 2019-01-23. 
  3. ↑ 3,0 3,1 "María Xosé Agra Romero no Consello da Cultura Galega". consellodacultura.gal. Consultado o 2019-01-23. 
  4. ↑ CEA. "Seminario con María Xosé Agra Romero – Centro de Ética Aplicada" (en castelán). Consultado o 2019-01-23. 
  5. ↑ "María Xosé Agra Romero. Xénero e Documentación". culturagalega.gal. Consultado o 2019-01-23. 
  6. ↑ Campillo, Neus (2018-06-06). "AGRA ROMERO, María Xosé (2016): ¿Olvidar a Clitemnestra? Sobre justicia e igualdad., Santiago de Compostela: USE Editora.". Daimon Revista Internacional de Filosofia (en castelán) (74): 194–198. ISSN 1989-4651. doi:10.6018/daimon/282611. 
  7. ↑ "Feminismo y globalización" (PDF). cdd. Consultado o 23/01/2019. 
  8. ↑ "Ciudadanía: ¿Un asunto de familia?". isegoria.revistas.csic.es. Consultado o 23/01/2019. 
  9. ↑ Romero, María Xosé AGRA (2018-12-31). "Del sexo y del género: epistemología y política". 1616: Anuario de Literatura Comparada (en castelán) 7 (0): 87–106–106. ISSN 2445-2262. 

Véxase tamén[editar | editar a fonte]

Control de autoridades
Traído desde "https://gl.wikipedia.org/w/index.php?title=María_Xosé_Agra&oldid=5041613"