María Victoria Fernández-Latorre
| Biografía | |
|---|---|
| Nacemento | 8 de xaneiro de 1906  Madrid, España |
| Morte | 19 de decembro de 2000 (94 anos) Madrid, España |
| Datos persoais | |
| País de nacionalidade | España |
| Actividade | |
| Lingua | Lingua castelá |
| Familia | |
| Cónxuxe | José Fernández-España Vigil (1924–1927) |
| Fillos | Santiago Rey Fernández-Latorre, María Victoria Fernández-España |
| Pai | Juan Fernández Latorre |
María Victoria Fernández-Latorre Ozores, nada en Madrid o 8 de xaneiro de 1906 e finada na mesma cidade o 19 de decembro de 2000, foi unha muller da burguesía galega.
Traxectoria[editar | editar a fonte]
Foi a segunda filla de Juan Fernández Latorre, fundador de La Voz de Galicia, e de Felisa Ozores de Prado. Naceu no Palacio do Goberno Civil de Madrid, cando seu pai ocupaba o cargo de gobernador civil. Recibiu o seu nome por María Victoria Montero Ríos, filla de Eugenio Montero Ríos e esposa de Manuel García Prieto.
Residiu nun piso fronte ao Teatro Real de Madrid, e pasou longas estancias no pazo de Miraflores, en Oleiros. De nova, xunto coa súa irmá Felisa, tivo unha institutriz francesa.
En setembro de 1924 casou co enxeñeiro José Fernández-España Vigil, finado en 1927 en accidente de circulación. Con el foi nai de María Victoria Fernández-España (nada en xuño de 1925) e de María Josefa Fernández-España, que naceu cando o pai xa morrera. En abril de 1931 casou en segundas nupcias co licenciado en Farmacia Emilio Rey Romero, e foi nai de Emilio (1932), Paloma e Santiago Rey Fernández-Latorre (1938).
Véxase tamén[editar | editar a fonte]
Ligazóns externas[editar | editar a fonte]
- "Falleció la hija del fundador de La Voz", artigo en La Voz de Galicia, 20 de decembro de 2000 (en castelán).