María Tareixa de Austria e Borbón

María Tareixa de Austria e Borbón
	Infanta de España e Infanta de Portugal e Arquiduquesa de Austria; Raíña consorte de Francia e de Navarra.
	María Teresa de Austria por Velázquez.
Reinado	9 de xuño de 1660 -; 30 de xullo de 1683
Nacemento	10 de setembro de 1638; San Lorenzo de El Escorial, España
Falecemento	; Versalles, Francia
Cónxuxe/s	Lois XIV de Francia
Descendencia	Lois, delfín de Francia; Ana Isabel; María Ana; María Tareixa; Felipe Carlos; Lois Francisco; ;
Casa real	Casa de Austria
Proxenitores	Filipe IV de España; Isabel de Francia
Na rede
	v; c; e;

Para outras páxinas con títulos homónimos véxase: María Tareixa.

María Tareixa de Austria e Borbón (en francés: Marie-Thérèse d'Autriche), nada en San Lorenzo de El Escorial o 10 de setembro de 1638 e finada en Versalles o 30 de xullo de 1683, foi unha Infanta de España, Infanta de Portugal, Arquiduquesa de Austria e, Raíña consorte de Francia desde 1660, aínda que isto non impediu que Francia atacase a España en Flandres durante a Guerra de Devolución, nin no Caribe, apoiando aos piratas (filibusteiros e bucaneiros) desde a Illa da Tartaruga (base francesa pirata, onde se abastecían de pólvora, municións,...), chegando a atacar a parte occidental da Española en mans francesas (Haití), con apoio oficial até 1665, que foi restablecido posteriormente.

Traxectoria[editar | editar a fonte]

Filla do Rei Filipe IV de España e da súa primeira esposa a princesa Isabel de Francia, era por parte de nai, a neta do Rei Henrique IV de Francia e á súa vez irmá do rei Carlos II de España

Matrimonio[editar | editar a fonte]

*A entrevista de Lois XIV e Filipe IV na illa dos Faisáns* representa o momento da entrega de María Tareixa como esposa ao rei de Francia.

O 9 de xuño de 1660 contraeu matrimonio con Lois XIV de Francia, o chamado Rei Sol, primo-irmán seu por dobre liña, tanto por parte de pai como de nai. A súa entrega como prometida do rei formalizouse en Irún (Illa dos Faisáns), nun acto cuxa preparación contou coa participación de Velázquez.

A raíña María Teresa levou unha vida de illamento e de tristeza durante todo o seu reinado. Salvo por unha breve rexencia en 1672, durante a campaña do rei contra Holanda, non desenvolveu actividade política algunha.

Deu seis fillos ao rei, dos cales só Lois, o chamado "Gran Delfín", sobreviviuna. Unha enfermidade devastadora acabou coa súa vida en 1683, cando soamente contaba con 44 anos de idade.

Avoa do primeiro rei Borbón de España[editar | editar a fonte]

Anos máis tarde o seu neto, Filipe de Francia, duque de Anjou, segundo fillo do Gran Delfín, sería proclamado Rei de España co nome de Filipe V como sucesor de Carlos II, medio irmán máis novo de María Tareixa, polo cal os dereitos dinásticos da actual familia real española pasan polos da súa antecesora e matriarca, única filla do rei Filipe IV en ter descendencia na actualidade.

Descendencia[editar | editar a fonte]

Dos seis fillos que tivo co rei Lois XIV de Francia, só o maior, Lois, chegou á idade adulta, probablemente por culpa da consanguinidade:

Lois de Francia, Delfín de Francia; coñecido como O Gran Delfín ou "Monseigneur" e pai de Lois de Francia, Filipe V de España e Carlos de Francia;
Ana Isabel de Francia (18 de novembro – 30 de decembro de 1662);
María Ana de Francia (16 de novembro – 26 de decembro de 1664);
María Tareixa de Francia (2 de xaneiro de 1667 – 1 de marzo de 1672);
Filipe Carlos de Francia (5 de agosto de 1668 – 10 de xullo de 1671), Duque de Anjou;
Lois Francisco de Francia (14 de xuño – 4 de novembro de 1672).

Existe ademais unha lenda que di que a raíña tivo unha filla con Nabo, o seu paxe de orixe africana. A nena, de nome Louise Marie Thérèse, sería oculta nun convento.^[1]