María Soledad Ruiz Capillas
| Biografía | |
|---|---|
| Nacemento | 28 de febreiro de 1902  Toledo, España |
| Morte | 1990 (87/88 anos) |
| Datos persoais | |
| País de nacionalidade | España |
| Educación | Universidade Central |
| Actividade | |
| Ocupación | médica , odontóloga |
| Empregador | Instituto Cajal (pt)  |
| Lingua | Lingua castelá |
María Soledad Ruiz Capillas, nada en Toledo o 28 de febreiro de 1902 e finada en Alacante en 1990, foi unha doutora en medicina e odontóloga española, especializada na psiquiatría e nos estudos do soño, que traballou no Instituto Cajal e converteuse na primeira muller en dirixir un balneario.[1][2][3][4]
Traxectoria[editar | editar a fonte]
María Soledad Ruiz comezou a estudar Medicina na Universidade Central de Madrid en 1917 , actual Universidade Complutense.[1][4]
En 1925 converteuse en directora do balneario de Fuensanta de Gayangos en Burgos, sendo a primeira muller en asumir ese cargo en España. Posteriormente, tamén dirixiu os balnearios de Arechavaleta, no País Vasco, e o de Grávaos, na Rioxa.[1][5]
En 1928 incorporouse ao Laboratorio de Fisiología Xeral, precursor do Instituto Cajal, no grupo de neuropatoloxía e neuropsiquiatría dirixido por Gonzalo Rodríguez Lafora e Fernando de Castro Rodríguez onde tamén traballou outra muller, María Luisa Ferreiros.[2][6] Desde ese ano e até 1930, Ruiz estudou a fisioloxía do diencéfalo e o mesencéfalo en modelos animais, ademais das patoloxías do soño.[1][7]
En 1930 comezou a estudar odontoloxía na Escola de Odontoloxía de Madrid onde só 15 de 405 dos seus alumnos eran mulleres. Obtivo o título de odontóloga en 1934 e converteuse en asistente das Clínicas de Odontoloxía do Hospital Militar Gómez Ulla de Carabanchel en Madrid.[2][6]
En 1934, Ruiz era a directora do balneario de Grávaos, na Rioxa e a principios do ano 1935 instalouse en Xirona, onde abriu unha consulta de odontoloxía no Palacio do Marqués de Camps. Despois da guerra civil española, traballou en Palma de Mallorca. Morreu en Alacante cara a 1990.[1][4][6]
Recoñecementos[editar | editar a fonte]
Ruiz Capilllas foi unha das mulleres pioneiras na neurociencia española, xunto a Laura Forster, Manuela Serra e María Luisa Herreros, todas elas destacadas neste campo entre 1911 e 1945.[8] Ademais, foi a primeira estudante da súa promoción nos seus estudos de Medicina na Universidade Central de Madrid.[3]
En 1925 converteuse na primeira muller en dirixir un balneario en España e tamén foi a primeira muller con título universitario en traballar no círculo do neurocientífico Santiago Ramón y Cajal.[1][2] Ademais, Ruiz foi a primeira muller en exercer medicina na provincia de Xirona, aínda que algunhas fontes indican que foi a doutora Francesca Casaponsa i Suñol.
Notas[editar | editar a fonte]
- ↑ 1,0 1,1 1,2 1,3 1,4 1,5 Aragón, Heraldo de. "¿Dónde están las mujeres de la escuela de Ramón y Cajal?" (en castelán). Consultado o 2020-12-18.
- ↑ 2,0 2,1 2,2 2,3 Giné, Elena; Martínez, Carmen; Sanz, Carmen; Nombela, Cristina; de Castro, Fernando (2019). "The Women Neuroscientists in the Cajal School" (en inglés) 13. ISSN 1662-5129. doi:10.3389/fnana.2019.00072. Consultado o 2020-12-18.
- ↑ 3,0 3,1 "Mujer y científica, un cóctel para no pasar a la historia" (en castelán). 2020-02-11. Consultado o 2020-12-18.
- ↑ 4,0 4,1 4,2 Hervella, Josep Lluís Ausín i; Josep M. (Josep Maria), 1935-Calbet i Camarasa (2010). "Evolució de la demografia mèdica de les comarques gironines, 1851-2010" 54: 73–83. ISSN 2385-4200. Consultado o 2020-12-18.
- ↑ "Balneario de Fuensanta de Gayangos". Diario de Burgos. 11 de septiembre de 1926. p. 6. Consultado o 18 de diciembre de 2020.
- ↑ 6,0 6,1 6,2 "María Soledad Ruiz-Capillas, científica" (en castelán). 2020-03-05. Consultado o 2020-12-18.
- ↑ "Las neurocientíficas que investigaron con Ramón y Cajal salen del olvido" (en castelán). 2019-02-11. Consultado o 2020-12-18.
- ↑ "Universidad Complutense de Madrid". Consultado o 2020-12-18.