María Montez
  | |
| Biografía | |
|---|---|
| Nacemento | (es) María África Gracia Vidal 6 de xuño de 1912 Santa Cruz de Barahona (República Dominicana) |
| Morte | 7 de setembro de 1951 (39 anos) Suresnes (Francia) |
| Causa da morte | Morte natural (Infarto agudo de miocardio e afogamento ) |
| Lugar de sepultura | Cemiterio de Montparnasse |
| Datos persoais | |
| País de nacionalidade | República Dominicana |
| Actividade | |
| Ocupación | actriz , actriz de cinema , modelo , poeta |
| Período de actividade | 1939 - 1951 |
| Pseudónimo literario | María Montez |
| Familia | |
| Cónxuxe | Jean-Pierre Aumont (1943–1951), morte |
| Fillos | Tina Aumont |
Premios | |
| Páxina web | mariamontez.org |
     | |
María África Gracia Vidal coñecida como María Montez, nada en Barahona, República Dominicana, o 6 de xuño de 1912 e finada en Suresnes, Francia, o 7 de setembro de 1951, foi unha actriz de cinema dominicana que gañou sona na década de 1940 como unha beleza exótica protagonizando unha serie de películas de aventuras filmadas en Technicolor. A súa imaxe na pantalla foi dunha sedutora que usaba vestidos con traxes de fantasía e xoias brillantes.
Ao longo da súa carreira Montez participou en arredor de 26 filmes, 21 deles rodados nos Estados Unidos e cinco en Europa. O apelido Montez tomouno en homenaxe á bailarina Lola Montez.
Traxectoria[editar | editar a fonte]
Primeiros anos[editar | editar a fonte]
María África Gracia Vidal naceu na provincia de Barahona, República Dominicana, segunda dos dez fillos do español Isidoro García,[1] nacido en Garafía (La Palma), e da dominicana Teresa Vidal.[2] O seu pai dedicábase á exportación de madeira e á venda de tecidos. A idade temperá idade, Montez aprendeu a falar inglés. Díxose que foi educada nun convento católico de Santa Cruz de Tenerife e que a mediados da década de 1930, o seu pai foi nomeado cónsul español en Belfast, onde se mudou a familia. Porén, o libro de Margarita Vicens Morales sobre Montez indica que isto forma parte dunha biografía falsa realizada por Universal Pictures e que Montez viviu os primeiros 27 anos da súa vida en República Dominicana.
Carreira[editar | editar a fonte]
Mentres visitaba Nova York, foi descuberta por un cazatalentos. O seu primeiro traballo foi posar para a portada dunha revista por 50 dólares.
Decidida a converterse nunha actriz de teatro, contratou un axente e creou unha biografía que a facía varios anos máis nova. Nalgúns caso puña como data de nacemento "1917" e noutros "1918". Finalmente, aceptou unha oferta de Universal Pictures por 150 dólares a semana.[3] Fixo o seu debut cinematográfico no filme de serie B Boss of Bullion City dirixid por Ray Taylor e protagonizad por Johnny Mack Brown.
A súa beleza axiña a converteu na peza central dos filmes de aventuras en Technicolor da Universal, en particular os seis filmes en que actuou xunto a Jon Hall (Arabian Nights, White Savage, Alí Babá e os corenta ladróns, Cobra Woman, Gypsy Wildcat e Sudan). Universal non tiña unha "rapaza glamourosa" como outros estudios (equivalente a Hedy Lamarr (MGM), Dorothy Lamour (Paramount), Betty Grable (20th Century Fox), Rita Hayworth (Columbia) ou Ann Sheridan (Warner Bros)) e decidiron darlle a Montez este papel, co que recibiu moita publicidade.[4] Tamén soubo promocionarse ela mesma e adoptou a pose de "estrela" na súa vida privada. A identificación con esta imaxe cinematográfica foi tal que María Montez foi coñecida como "The Queen of Technicolor" (A Raíña do Technicolor).
Montez dixo en 1945 que estaba "cansa de ser a princesa de conto de fadas todo o tempo" e que quería aprender a actuar.[5] Loitou coa Universal por papeis diferentes. Foi suspendida por rexeitar o papel protagonista en Frontier Gal; a personaxe foi interpretada por Yvonne De Carlo que se convertera nun tipo de estrela similar a Montez e comezara a substituíla no estudio.[6]
Montez ademais apareceu no western Pirates of Monterey xunto a Rod Cameron e en The Exile, dirixido por Max Ophüls e protagonizada por Douglas Fairbanks Jr.
Montez e o seu marido Jean-Piere Aumont formaron a súa propia compañía, Christina Productions.[7] En xaneiro de 1951, protagonizou a obra dunha única personaxe L'Ile Heureuse ("A illa feliz") escrita polo seu marido, mais as críticas non foron boas.[8] Tamén escribiu tres libros: Forever Is A Long Estafe, Hollywood Wolves I Have Tamed e Reunion In Lilith. Destes libros, só se publicaron os dous primeiros. Así mesmo dedicouse a escribir unha serie de poesías, entre elas Crepúsculo, que gañou un premio da Asociación The Manuscriters.
Morte[editar | editar a fonte]
Montez morreu aos 39 anos de idade, o 7 de setembro de 1951, aparentemente debido a un ataque ao corazón. Foi atopada afogada na bañeira da súa residencia de Suresnes. Foi enterrada no cemiterio de Montparnasse. Na súa tumba móstrase 1918 como a súa data de nacemento, sendo 1912 a real.
Vida persoal[editar | editar a fonte]
O primeiro matrimonio de Montez foi con William G. McFeeters, un rico banqueiro que serviu no Exército Británico.[9] Casaron cando Montez tiña 17 anos e divorciáronse posteriormente.[10] Durante máis dun ano díxose que Montez estaba prometida con Claude Strickland, oficial de voo da RAF a quen coñecera en Nova York.[11] Porén, máis adiante revelouse que fora un truco publicitario.[12]
Mentres traballaba en Hollywood, coñeceu o actor francés Jean-Pierre Aumont. Casaraon o 13 de xullo de 1943 na casa de Montez en Beverly Hills. Charles Boyer foi o padriño e Jannine Crispin a dama de honor.[13] Aumont tivo que marchar uns días despois da súa voda para servir nas Forzas Francesas Libres e loitar contra a Alemaña nazi pola segunda guerra mundial. Despois da guerra, a parella tivo unha filla, Maria Christina (coñecida como Tina Aumont), nada en Hollywood o 14 de febreiro de 1946.[10] Posteriormente, mudáronse a unha casa en Suresnes, no suburbio oeste de París, durante a Cuarta República Francesa. En 1949, Aumont anunciou que ían divorciarse, mais permaneceron xuntos ata a morte de Montez.[14]
Filmografía[editar | editar a fonte]
| Ano | Filme | Personaxe |
|---|---|---|
| 1940 | Boss of Bullion City | Linda Calhoun |
| The Invisible Woman | Marie | |
| 1941 | Lucky Devils | Bathing Beauty (sen acreditar) |
| That Night in Rio | Inez | |
| Raiders of the Desert | Zuleika | |
| South of Tahiti[15] | Melahi | |
| Moonlight in Hawaii | Ilani | |
| 1942 | Bombai Clipper | Sonya Dietrich Landers |
| Mystery of Marie Roget | Marie Roget | |
| Pardon My Sarong | Escenas eliminadas | |
| Arabian Nights | Sherezade | |
| 1943 | White Savage | Princesa Tahia |
| 1944 | Alí Babá e os corenta ladróns. A cimitarra perdida de Arabia | Amara |
| Follow the Boys | Ela mesma (sen acreditar) | |
| Cobra Woman | Tollea / Naja | |
| Gypsy Wildcat | Carla | |
| Bowery to Broadway | Marina | |
| 1945 | Sudan | Naila |
| 1946 | Tangier | Rita |
| 1944 | The Exile | Condesa |
| Pirates of Monterey | Marguerita Novarro | |
| 1949 | Siren of Atlantis | Raíña Antinea |
| Hans le marin | Dolores, a prostituta | |
| Portrait d'un assassin | Christina de Rinck | |
| 1950 | The Thief of Venice | Tina |
| 1951 | Amore e sangue | Dolores |
| La vendetta del corsaro | Consuelo |
Legado[editar | editar a fonte]
- Na República Dominicana recibiu a condecoración coa Orde de Juan Pablo Duarte no Grao de Oficial e a Orde de Trujillo no mesmo grao, que lle outorgou o ditador Rafael Leónidas Trujillo en novembro de 1943.[16]
- Os estudos da canle de televisión dominicana CERTV levan o seu nome, así como unha rúa na cidade de Barahona, o seu lugar de nacemento.[17]
- O 27 de abril de 1996, o presidente Joaquín Balaguer inaugurou o Aeroporto Internacional María Montez.[18]
- En 2012, déuselle o seu nome a unha estación da Liña 2 do metro de Santo Domingo.
- O cineasta underground estadounidense Jack Smith considerou a Montez como unha icona do estilo camp. Escribiu un manifesto estético titulado "The Perfect Filmic Appositeness of Maria Montez", e realizou elaboradas homenaxes nos seus filmes, incluído no célebre Flaming Creatures.[19]
Notas[editar | editar a fonte]
- ↑ No libro Maria Montez, Su Vida de Margarita Vicens de Morais, pódese ver unha copia do certificado de nacemento de María Montez, probando que o seu nome orixinal era María África Gracia Vidal e o do seu pai era Isidoro Gracia (e non García, como ás veces se confundiu). Margarita Vicens de Morales: María Montez, Su Vida. Recóllese na páxina 26 da edición de 2003
- ↑ Leal Cruz, Pedro Nolasco; Ramos Pérez, Inodelbia (2017). "Patricia Medina y María Montez. dos estrellas coetáneas de Hollywood de ascendencia canaria. análisis contrastivo". Las Palmas de Gran Canaria.: 1-23. ISSN 2386-6837.
- ↑ Haugland, Vera (28 de setembro de 1941). "Maria Montez Puts On Best Show Without Benefit of Camera". The Washington Post. p. L2.
- ↑ "Maria Montez Puts Paprika in New Glamor Type: Sensational, but Proper, She Calls Herself". Chicago Daily Tribune. 15 de novembro de 1942. p. H10.
- ↑ Mason, Jerry (12 de marzo de 1944). "AIR AND SULTRY: Maria Montez has changed in the last year--she says...". Los Angeles Times. p. F15.
- ↑ "Screen News: To Aid Actors Fund". New York Times. 19 de abril de 1945. p. 22.
- ↑ Hopper, Hedda (28 de marzo de 1948). "Aumonts' Life Pivots on Baby: Jean Pierre and Maria Montez Have Dizzy Household Life Is Dizzy but Happy in Aumonts' Household". Los Angeles Times. p. C1.
- ↑ Aumont p 137
- ↑ Ruíz, Vicki; Sánchez Korrol, Virginia (2006). Latinas in the United States: A Historical Encyclopedia. Indiana University Press. p. 485. ISBN 0-253-34681-9.
- ↑ 10,0 10,1 "The Life and Times of Maria Montez". glamourgirlsofthesilverscreen.com.
- ↑ "Latin Actress Discloses Betrothal to R.A.F. Flyer: Maria Montez Tells Reason for Wearing British Insignia". Los Angeles Times. 18 de xuño de 1941. p. A8.
- ↑ "To the Rear of the Class, Baron Munchausen: Those Droll Fellows, the Press Agents, Set New Highs for the Lie Sublime". New York Times. 23 de agosto de 1942. p. X3.
- ↑ "Maria Montez Weds French Actor". Pittsburgh Post-Gazette. 14 de xullo de 1943. p. 5.
- ↑ "DREAMS END: Actor Aumont to Divorce Maria Montez". Los Angeles Times. 23 March 1949. p. 24.
- ↑ Moreira, Renan (1941-11-21). "Maria Montez Visits Tech Campus; Regards Students 'As Typical College Men'". The Technique. Arquivado dende o orixinal o 24 de setembro de 2022. Consultado o 2010-02-02.
- ↑ "Maria Montez Honored by Her Native Country". Los Angeles Times. 25 October 1943. p. 8.
- ↑ Ruíz, Vicki; Sánchez Korrol, Virginia (2006). Latinas in the United States. Indiana University Press. pp. 486–487. ISBN 0-253-34680-0.
- ↑ Ferguson, James (27 de maio de 2000). "I'm Maria, fly me!". The Independent. Consultado o 3 de agosto de 2008.[Ligazón morta]
- ↑ "Senses of Cinema". Arquivado dende o orixinal o 20 de febreiro de 2009. Consultado o 11 de novembro de 2020.
Véxase tamén[editar | editar a fonte]
 |
A Galipedia ten un portal sobre: Cine |
Bibliografía[editar | editar a fonte]
- Aumont, Jean-Pierre (1977). Sun and Shadow: an Autobiography. W.W. Aumont.
Ligazóns externas[editar | editar a fonte]
- Montaxe de vídeos de Montez no YouTube, incluído o baile coa serpe de Cobra Woman
- An appreciative essay Arquivado 30 de setembro de 2020 en Wayback Machine. comparing Maria Montez and her namesake, Warhol Superstar Mario Montez
| Control de autoridades |
|
|---|
