María Berdiales
 María Berdiales, ilustrada por Dionisio Fierros en 1855  | |
| Biografía | |
|---|---|
| Nacemento | valor descoñecido valor descoñecido |
| Morte | valor descoñecido valor descoñecido |
| Actividade | |
| Ocupación | filántropa |
| Familia | |
| Cónxuxe | Manuel Núñez Espinosa |
María Berdiales foi unha filántropa e benfeitora galega afincada en Vigo, coñecida por ceder parte das súas propiedades ao concello e outras administracións locais.
Vida persoal
[editar | editar a fonte]Casada con Manuel Núñez Espinosa (nado en Santiago de Compostela en 1827 e finado en 1880), un emigrante a América que xerou unha gran fortuna, o matrimonio amasou unha gran cantidade de inmobles e terreos na cidade. Practicamente todas as construcións entre as rúas de Manuel Núñez e a Gran Vía pertencían ao matrimonio, incluído o antigo edificio do Concello. Tamén posuían os terreos e remanentes da muralla de Vigo[1], que foi derruída en 1858 para construír novos inmobles[2].
A rúa de María Berdiales
[editar | editar a fonte]A denominación da rúa de María Berdiales, que se atopa na converxencia da avenida da Gran Vía e a rúa do Progreso, produciuse grazas á insistencia do seu fillo. Tanto María Berdiales coma o seu marido, Manuel Núñez Espinosa, mercaran un grande inmoble na rúa que leva o nome de María Berdiales, nas esquinas con Gran Vía de ronda de Don Bosco[3]. Posteriormente, dito inmoble foi cedido ao Concello, coa única condición de que se outorgasen dúas rúas coas súas respectivas denominacións a María Berdiales e o seu marido. Finalmente, foi o seu fillo, Ángel Núñez, quen conseguiu que en 1916 se outorgase dita denominación á rúa.[4]
Notas
[editar | editar a fonte]- ↑ Núñez Román, Manuel (16 de novembro de 2010). "Manuel Núñez y las murallas de Vigo". Faro de Vigo.
- ↑ Magro, Alberto (20 de marzo de 2004). "Un documento de 1860 descubre un antiguo Concello junto a la Colegiata". La Voz de Galicia.
- ↑ Alonso, Julio (25 de outubro de 2020). "Rúa de María Berdiales, de «Cinema Radio» al Cluny". VigoE.
- ↑ Antomil Pérez, Daniel. Odonimia de la provincia de Pontevedra. Vigo (PDF). Vigo360.
Véxase tamén
[editar | editar a fonte]Bibliografía
[editar | editar a fonte]- Martínez López, Miguel Ángel (1996-1997). "Historias sociales, urbanas y mediáticas del Casco Vello de Vigo" (PDF). Castrelos (9-10): 313–338.
