Arancha González Laya

Excelentísima Señora
Arancha González Laya

Biografía
Nacemento	22 de maio de 1969 (54 anos) Donostia, España
Decano Paris School of International Affairs (en)
febreiro de 2022 –
Minister for Foreign Affairs, European Union and Cooperation (en)
30 de novembro de 2019 – 11 de xullo de 2021 ← Josep Borrell – José Manuel Albares Bueno →
Datos persoais
País de nacionalidade	España
Educación	Universidade de Navarra - dereito Universidade Carlos III de Madrid
Actividade
Ocupación	xerente , avogada , director executivo , política
Empregador	Instituto de Estudos Políticos de París (2022–) Centro de Comércio Internacional (pt) (2013–) Organización Mundial do Comercio (2005–2013)
Partido político	político independente
Lingua	Lingua castelá, lingua inglesa, lingua italiana, lingua francesa, lingua alemá e lingua éuscara
Participou en
22 de maio de 2022	World Economic Forum Annual Meeting 2022 (en)
22 de xaneiro de 2019	World Economic Forum Annual Meeting 2019 (en)
23 de xaneiro de 2018	World Economic Forum Annual Meeting 2018 (en)
17 de xaneiro de 2017	World Economic Forum Annual Meeting 2017 (en)
Premios (2021)  Gran Cruz da Orde de Carlos lll

María Aránzazu «Arancha» González Laya, nada en Donostia o 22 de maio de 1969, é unha xurista vasca, ministra de Asuntos Exteriores, Unión Europea e Cooperación de España. Foi directora executiva do Centro de Comercio Internacional (ITC) e subsecretaria xeral da Organización das Nacións Unidas (ONU).

Traxectoria

Primeiros anos e formación

González Laya naceu en Donostia, filla dun director de escola pública. Criouse na localidade guipuscoana de Tolosa.

Fala éuscaro, castelán, inglés, francés, alemán e italiano.

Licenciouse en dereito pola Universidade de Navarra (UNAV) e posteriormente obtivo un título de mestrado en dereito europeo pola Universidade Carlos III de Madrid (UC3M).

González comezou a súa carreira no sector privado como asociada no despacho de avogados alemán Bruckhaus Westrick Stegemann en Bruxelas, asesorando empresas en dereito de competencia, comercio e axudas de estado.

Entre 2002 e 2005, González foi voceira de comercio para a Comisión Europea e asesora do Comisario de Comercio. Desempeñou diversas funcións na Comisión Europea nas áreas de comercio internacional e relacións exteriores, incluíndo negociacións sobre acordos comerciais con Mercosur, Irán, o Consello de Cooperación do Golfo, os Balcáns e os países mediterráneos. Tamén apoiou os países en vía de desenvolvemento para acceder ao mercado europeo.

Paso pola OMC

González foi xefa de gabinete de Pascal Lamy durante o seu mandato como director xeral da Organización Mundial de Comercio entre 2005 e 2013. Durante ese período contribuíu de xeito decisivo ao lanzamento da iniciativa da OMC “Axuda para o Comercio”, así como o Marco Integrado Reforzado, unha asociación entre diversas organizacións internacionais co obxectivo de axudar os países máis pobres do mundo a mellorar a súa incorporación no comercio internacional. González foi a representante do director xeral da OMC no G-20 entre 2008 e 2013.

Directora do ITC

Durante o seu mandato á fronte do Centro de Comercio Internacional (CCI), González impulsou o comercio sustentábel. En 2014, González inaugurou o primeiro Foro de Comercio Sustentábel do CCI reunindo actores públicos e privados para desenvolver solucións que aseguren unha maior coherencia entre o comercio e o cambio climático.

González impulsou o apoderamento económico da muller como un dos eixes centrais das accións no CCI. En 2015 lanzou a iniciativa «SheTrades Initiative», co obxectivo de conectar tres millóns de empresarias cos diferentes mercados para 2021. Tamén impulsou a adopción da Declaración de Buenos Aires sobre Mulleres e Comercio durante a Undécima Conferencia Ministerial da Organización Mundial de Comercio en Buenos Aires en decembro de 2017. En 2019, González coeditou a obra colectiva Women Shaping Global Economic Governance.

Ministra de Exteriores en España

Nomeada en xaneiro de 2020 como ministra á fronte da carteira de Asuntos Exteriores, Unión Europea e Cooperación do Goberno de España no segundo goberno de Pedro Sánchez, tomou posesión do cargo o día 13, avogando durante a cerimonia por «reposicionar España na UE e no mundo». Ao ser nomeada ministra de Asuntos Exteriores prometeu defender o multilateralismo e os dereitos humanos e colocar entre as prioridades do seu mandato o reenfoque da política de cooperación internacional.

Outras actividades

• International Gender Champions (IGC), Presidenta do Consello de Administración
• Mo Ibrahim Foundation, membro do Consello Asesor
• Foro Económico Mundial (WEF), Copresidenta do Consello sobre o Futuro do Comercio e do Investimento
• Membro do grupo EU-Africa High-level.
• Broadband Commission for Sustainable Development, Comisaria.

Véxase tamén

Ligazóns externas

• Bussard, Stéphane (5 August 2019). "Arancha Gonzalez: «Le choix n’est pas entre la Chine et les Etats-Unis, mais entre l’ordre et le chaos»". Le Temps. Consultado o 26 de setembro de 2019. 
• Badawi, Zeinab (28 de agosto de 2018). "BBC HardTalk with Zeinab Badawi". BBC. Consultado o 26 de setembro de 2019. 
• Ezquiaga, Mitxel (25 de marzo de 2007). "Donde hay comercio se habla, y donde hay diálogo no hay guerra". El Diario Vasco. Consultado o 25 de setembro de 2015. 
• Faujas, Alain (30 de novembro de 2012). "Arancha Gonzalez, la prêtresse du libre-échange". Le Monde. Consultado o 25 de setembro de 2015. 
• Galarraga, Naiara (1 de xullo de 2011). "Siempre fui un bicho raro, en Tolosa y Ginebra". El País. Consultado o 25 de setembro de 2015. 
• Gonzalez, Arancha (24 de xullo de 2012). "Seven days - a week in the life of Arancha Gonzalez". PublicServiceEurope.com. Arquivado dende o orixinal o 17 de novembro de 2012. Consultado o 25 de setembro de 2015.