Manuela Ferreira Leite
  | |
| Nome orixinal | (pt) Maria Manuela Dias Ferreira Leite |
|---|---|
| Biografía | |
| Nacemento | 3 de decembro de 1940 (83 anos) Lisboa, Portugal |
169ª Ministro das Finanças (pt)  | |
| 6 de abril de 2002 – 17 de xullo de 2004 Gabinete ministerial: XV Governo Constitucional de Portugal (pt) | |
 Deputado da Asemblea da República de Portugal | |
| Lexislatura: VIII Legislatura da Terceira República Portuguesa (pt) Circunscrición electoral: Lisboa Electo en: eleições legislativas portuguesas de 1999 (pt) | |
| Deputado da Asemblea da República de Portugal | |
| Lexislatura: VII Legislatura da Terceira República Portuguesa (pt) Circunscrición electoral: Círculo eleitoral de Évora (pt) | |
| Datos persoais | |
| País de nacionalidade | Portugal |
| Educación | Universidade Técnica de Lisboa (pt) Instituto Superior Técnico (pt) |
| Actividade | |
| Ocupación | economista , política |
| Partido político | Partido Social Demócrata |
| Lingua | Lingua inglesa |
Premios | |
Maria Manuela Dias Ferreira Leite, nada en Lisboa o 3 de decembro de 1940, é unha economista e política portuguesa.
Traxectoria[editar | editar a fonte]
Formación[editar | editar a fonte]
Aínda que se criou en Costa da Caparica, estudou bacharelato en Lisboa, nos institutos Maria Amália Vaz de Carvalho e D. João de Castro. En 1963 licenciouse en Economía, polo Instituto Superior de Ciências Económicas e Financeiras da Universidade Técnica de Lisboa, onde conseguiu o premio á mellor alumna do curso e á mellor alumna das clases de Economía e de Política ultramarina. Ao rematar a carreira acada unha bolsa da Fundação Calouste Gulbenkian para estudar os aspectos económicos da educación. Posteriormente simultaneou os cargos na universidade cos postos políticos, e o último posto que tivo dentro da vida educativa foi o de catedrática convidada no Instituto Superior de Xestión da Universidade Lusófona de Humanidades e Tecnoloxías.
Percorrido político[editar | editar a fonte]
No ámbito político, foi xefa de gabinete do ministro de Economía, Aníbal Cavaco Silva, entre 1980 e 1981), no goberno de Francisco Sá Carneiro. Volvería á primeira liña política dez anos máis tarde, en 1990, ao traballar como secretaria de estado de Orzamento, ás ordes de Miguel Beleza e tendo como primeiro ministro a Cavaco Silva. En 1991 deixa o posto logo das eleccións, ao ser elixida por primeira vez como deputada na Asemblea da República nas listas do Partido Social Demócrata na circunscrición de Lisboa. Durante o XII Governo Constitucional, tamén presidido por Cavaco Silva, foi nomeada secretaria de estado adxunta e de Orzamento, até 1993, e ministra de Educación, até a fin da lexislatura. Despois da paréntese dos gobernos do socialista António Guterres, en 2002 regresou como ministra de Estado e de Finanzas no goberno de José Manuel Durão Barroso, e converteuse na primeira muller en asumir ese cargo. Cando Durão deixou o seu cargo en 2004 e foi substituído polo tamén "social-demócrata" Pedro Santana Lopes, Ferreira Leite abandonou tamén o ministerio. Entre 2006 e 2008 foi membro do Consello de Estado portugués.
Ao asumir a presidencia da Comisión Política Nacional do PSD, en maio de 2008, converteuse na primeira muller en liderar un partido político en Portugal.
Ferreira e Leite e Galicia[editar | editar a fonte]
En setembro de 2009, no debate televisado co primeiro ministro José Sócrates, arremeteu contra os "españois metidos na política portuguesa"[1] e defendeu a paralización das obras das liñas de alta velocidade que unirían Portugal con Galicia e con Madrid.
Notas[editar | editar a fonte]
- ↑ "Não gosto dos espanhóis metidos na política portuguesa" - Presidente do PSD sobre o TGV, RTP, 13.9.09 (consultado 17.9.09) "Copia arquivada". Archived from the original on 12 de setembro de 2019. Consultado o 28 de decembro de 2021.
Véxase tamén[editar | editar a fonte]
Ligazóns externas[editar | editar a fonte]
- Política de verdade, web electoral de Manuela Ferreira Leite en 2009.
| Control de autoridades |
|
|---|
