Manuel Parada Alvite

Na Galipedia, a Wikipedia en galego.
Saltar ata a navegación Saltar á procura
Manuel Parada Alvite
Información persoal
Nacido 4 de novembro de 1943
Lugar Ribeira
editar datos en Wikidata ]

Manuel Parada Alvite, nado en Ribeira o 4 de novembro de 1943, foi un futbolista galego máis coñecido como Suco II, que xogaba na demarcación de extremo esquerdo. Era irmán do tamén futbolista Andrés, Suco I.

Traxectoria[editar | editar a fonte]

Seguindo os pasos do seu irmán Andrés, que chegou a xogar no FC Barcelona ou Valencia CF, comezou a xogar ao fútbol na súa Ribeira natal. Posteriormente pasou polo Racing de Ferrol antes de fichar polo Celta de Vigo na temapada 1964/65.

No Celta formaría parte dun gran cadro de xogadores, que acadou o ascenso a Primeira División e tamén a primeira clasificación para a Copa da UEFA da historia do equipo. O equipo contaba tamén con xogadores como Abel Fernández, Rivera, Quique Costas e Manolo primeiro, e con outros como Rodilla ou Juan na experiencia europea.

Deixou o Celta ao rematar a tempada 1971/72 despois de oito tempadas e 168 encontros de liga, nos que anotou 22 goles. Fichou entón polo Pontevedra CF, antes de retirarse no Atlético Ribeira en 1974.

Unha vez retirado do fútbol pasou a traballar en Moble de Cor, onde se xubilou en 2008.[1]

Notas[editar | editar a fonte]

  1. "El ex celtista Suco II cuelga las botas a nivel laboral". La Voz de Galicia. 7 de outubro de 2008.