Manuel Moreno Blanco
| Biografía | |
|---|---|
| Nacemento | 4 de xullo de 1902  Vitigudino, España |
| Morte | 29 de outubro de 1981 (79 anos) Vitigudino, España |
| Datos persoais | |
| País de nacionalidade | España |
| Actividade | |
| Ocupación | mestre , escritor |
| Lingua | Lingua castelá |
Manuel Moreno Blanco, nado en Vitigudino (provincia de Salamanca) o 4 de xullo de 1902 e finado na mesma vila o 29 de outubro de 1981, foi un escritor e profesor español.
Traxectoria[editar | editar a fonte]
Foi o maior de tres irmáns. Viaxou co seu pai, zapateiro artesán. Estudou Bacharelato en Salamanca e Maxisterio na Escola Normal de dita cidade e na Escola Superior de Maxisterio de Madrid, na especialidade de Ciencias.
Tras o golpe de Estado do 18 de xullo de 1936 foi encarcerado entre 1939 e 1941 porque fora membro de Izquierda Republicana. Seguiu dando clases particulares, e foi reposto como mestre en 1964. Tras xubilarse, en 1973 regresou á súa vila natal.
Escribiu arredor da súa comarca, que nomeou La Gudina. Recolleu contos e lendas de tradición oral.
Obra[editar | editar a fonte]
- La Gudina (La Extremadura leonesa): impresiones de un nativo (1977)
- Cuentos de La Gudina (1977)
- Los Viajes del Chumbales (1980)
- En el Serano, Leyendas de La Gudina (1999)
Vida persoal[editar | editar a fonte]
Casou e tivo dúas fillas, Consuelo e Elena.
