Manuel Iglesias García
| Biografía | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 1938  (87/88 anos)Vigo | |||||||||||||||||||||||||||||||
| Actividade | ||||||||||||||||||||||||||||||||
| Ocupación | futbolista, adestrador de fútbol | |||||||||||||||||||||||||||||||
| ||||||||||||||||||||||||||||||||
_3.svg){kind=small}
Manuel Iglesias García, máis coñecido como Zaragallas, nado en Vigo en 1938, é un exfutbolista e exadestrador de fútbol galego. A súa traxectoria está estreitamente vencellada ao Rápido de Bouzas, no que exerceu diversas funcións ao longo de máis de 60 anos, entre elas as de xogador, adestrador, secretario e delegado.
Traxectoria
[editar | editar a fonte]Natural de Santo André de Comesaña, herdou o alcume de Zaragallas de seu pai, Manuel Iglesias Lago.[1] Comezou a xogar ao fútbol como medio volante no Deportivo Coia e tras destacar como xuvenil,[2] para a tempada 1956/57 fichou polo Gran Peña, co que debutou na Terceira División ás ordes de Yayo.[3][4] Na tempada 1957/58 xogou no Zeltia e durante a súa estancia en Ferrol para realizar o servizo militar vestiu a camiseta do CD Xubia.[5][3]
De regreso en Vigo pasou polas filas do Atlántida de Matamá antes de recalar en 1961 no Rápido de Bouzas.[6] Militou no club de Bouzas ata 1970, cunha paréntese na que vestiu a camiseta do Arenas de Alcabre, do que foi capitán.[7] Inmediatamente trala súa retirada como futbolista, en 1970, colleu as rendas do Rapido de Bouzas como adestrador.[8] Continuou exercendo diferentes funcións no club durante o seguinte medio século, actuando como secretario durante a presidencia de Manuel Seoane, como delegado, e incluso como responsable de lavar os equipamentos dos xogadores.[3]
Notas
[editar | editar a fonte]- ↑ "Fallecimiento sentido". El Pueblo Gallego (en castelán). 25 de xaneiro de 1968. p. 8. Consultado o 12 de abril de 2025.
- ↑ "Figuras modestas". El Pueblo Gallego (en castelán) (10576). 14 de xaneiro de 1956. p. 7. Consultado o 12 de abril de 2025.
- ↑ 3,0 3,1 3,2 "Zaragallas: ocho décadas pegado al fútbol". La Voz de Galicia (en castelán). 17 de febreiro de 2025. Consultado o 12 de abril de 2025.
- ↑ "Carta a mi amigo Celedonio". El Pueblo Gallego (en castelán) (10717). 28 de xuño de 1956. p. 6. Consultado o 12 de abril de 2025.
- ↑ "El Zeltia tiene nueva Directiva". El Correo Gallego (en castelán) (2649). 18 de setembro de 1957. p. 6. Consultado o 12 de abril de 2025.
- ↑ "El domingo hubo varios resultados sorprendentes". El Pueblo Gallego (en castelán) (12351). 8 de xuño de 1961. p. 11. Consultado o 12 de abril de 2025.
- ↑ "El Arenas de Alcabre, actualidad". El Pueblo Gallego (en castelán). 9 de setembro de 1967. p. 16. Consultado o 12 de abril de 2025.
- ↑ "Lume na Terceira". El Pueblo Gallego. 11 de xuño de 1970. p. 15. Consultado o 12 de abril de 2025.