Manuel Fernández Lourido
  | |
| Biografía | |
|---|---|
| Nacemento | século XIX Vigo, España |
| Morte | 19 de novembro de 1920 Buenos Aires, Arxentina |
| Actividade | |
| Ocupación | debuxante |
| Influencias | |
Manuel Fernández Lourido, coñecido como Manuel F. Lourido ou Lourido, nado en Vigo e finado en Buenos Aires o 19 de novembro de 1920,[1] foi un debuxante, ilustrador e pintor galego.
Traxectoria
[editar | editar a fonte]Asentado en Vigo, dende 1909 traballou como debuxante en La Metalúrgica, empresa dedicada á estampaión de folladelata, e formouse, a poucos metros, na Escola Municipal de Artes e Oficios de Vigo. Publicou debuxos en prensa e fixo a portada do libro O miñato e mais a pomba de Avelino Rodríguez Elías. Foi vogal da directiva da Asociación General de Cultura. En 1911 fixo unha exposición no Círculo Mercantil que foi un éxito, e en 1912 participou na exposición do Centro Galego de Madrid.[2] Emigrou a Río de Xaneiro en 1911.[3] Despois marchou á Arxentina.[4] Desde Buenos Aires colaborou en Vida Gallega e nas revistas arxentinas Suevia, Plus Ultra e Caras y Caretas.[5] Compaxinou durante algún tempo a carreira de ilustrador xornalístico coas clases nocturnas de debuxo e pintura na Agrupación Artística Gallega de Buenos Aires.[6]
Enfermo, finou no Hospital Español de Temperley o 19 de novembro de 1920.[7]
Hai obra de F. Lourido no Museo Provincial de Lugo.[8]
Vida persoal
[editar | editar a fonte]Casou en Vigo con Eva Montenegro Batista, que finou en Vigo en 1927, e foi pai de Manuel e María Ernestina Fernández Montenegro.[9]
Galería de imaxes
[editar | editar a fonte]-
Debuxo de Lourido na portada de Suevia, en 1916.
Notas
[editar | editar a fonte]- ↑ Nova Galicia, 25-11-1920, p. 3.
- ↑ Diario de Pontevedra, 13-6-1912, p. 2.
- ↑ Vida Gallega, 33, 11-1911, p. 15.
- ↑ Vida Gallega, 57, 5-6-1914, p. 41.
- ↑ El Correo de Galicia, 21-11-1920, p. 2.
- ↑ Mateo Álvarez 2021.
- ↑ El Correo de Galicia, 21-11-1920, p. 1.
- ↑ Gegúndez López 2020.
- ↑ El Pueblo Gallego, 4-2-1927, p. 6.
Véxase tamén
[editar | editar a fonte] |
Wikimedia Commons ten máis contidos multimedia na categoría: Manuel Fernández Lourido |
Bibliografía
[editar | editar a fonte]- Gegúndez López, Carlos (2020). "A arte de Lourido: os trazos da súa inspiración e o ronsel de Castelao" (PDF). Anuario Brigantino (43): 481–504. ISSN 1130-7625.
Outros artigos
[editar | editar a fonte]Ligazóns externas
[editar | editar a fonte]- González Martín, Gerardo (2/10/1994). "Fernández Lourido, el dibujante que triunfó en Argentina". La Voz de Galicia: 42.
- Mateo Álvarez, José Luis (8/4/2021). "Crónica de Lourido. Un debuxante vigués na diáspora bonaerense". Faro de Vigo. Archived from the original on 15/04/2021. Consultado o 10/02/2025.