Manuel Chicharro
  | |
| Biografía | |
|---|---|
| Nacemento | 29 de agosto de 1849 A Coruña |
| Morte | 13 de xaneiro de 1924 (74 anos) Santiago de Compostela |
 Concelleiro de Santiago de Compostela | |
| | |
| Actividade | |
| Ocupación | fotógrafo |
  | |
Manuel Chicharro Bisi,[1] nado na Coruña o 29 de agosto de 1849 e finado en Santiago de Compostela o 13 de xaneiro de 1924,[2] foi un fotógrafo galego.[3]
Traxectoria
[editar | editar a fonte]
Comezou a súa carreira aos 14 anos no estudio de Luis Sellier, exerceu como operador de Mariano Bordoy e asociouse con Ulisse Ferrant, instalado no Ferrol. En 1877 abriu un estudio en Santiago de Compostela, primeiro no nº 34 da rúa Nova e en 1907 mudouse á rúa do Vilar.
Retratou os fondos artísticos e documentais do Museo Catedralicio de Santiago de Compostela, incluído o Códice Calixtino. En 1884 publicou a obra Compostela monumental, un porfolio de vinte e catro imaxes da cidade con textos do historiador Bernardo Barreiro. A obra considérase o primeiro libro de fotografías impresas editado por un fotógrafo galego en Galicia.[4] Retratou tamén a chegada á cidade de personalidades e mais a Exposición Rexional de 1909.
Algunhas das súas fotografías foron premiadas en eventos como a Exposición Universal de Filadelfia de 1876, a Exposición Universal de París de 1889 ou a Exposición Mundial Colombiana celebrada en Chicago en 1893. Colaborou con publicacións como a revista pontevedresa Galicia Moderna ou Café con Gotas. Posuíu o título honorífico de fotógrafo da casa real, outorgado por Afonso XII de España.
Foi membro da Real Sociedade Económica de Amigos do País de Santiago e interviu de forma activa na vida política municipal compostelá. En 1891 foi elixido concelleiro pola candidatura liberal dinástica de Montero Ríos.
O seu arquivo, que inclúe fotografías realizadas entre 1877 e 1921, consérvase no Instituto de Estudos Galegos Padre Sarmiento.[5]
Distincións
[editar | editar a fonte]- Cruz da Orde de Isabel a Católica.
Vida persoal
[editar | editar a fonte]Casou con Francisca Robelo Vega (1848-1920) e foi pai de seis fillos, entre eles Luis Chicharro Robelo (1886-1962), que continuou co estudio fotográfico e despois pasou a traballar en El Correo Gallego.
Galería de imaxes
[editar | editar a fonte]
Retrato de Xoán Manuel Pintos
.jpg)
Notas
[editar | editar a fonte]- ↑ Na necrolóxica de El Compostelano o segundo apelido aparece como "Bisí"; no Boletín Oficial da provincia da Coruña de 1870 aparece como "Visi" (18 de agosto) e como "Vissi" (5 de setembro).
- ↑ "Necrología". El Compostelano (en castelán). 14 de xaneiro de 1924. p. 2.
- ↑ "Manuel Chicharro Bisi". Instituto Padre Sarmiento.
- ↑ David M. Sobrino Platas (8 de febreiro de 2025). "Así era Compostela a finais do século XX. Unha exposición da fotografía de Manuel Chicharro lévanos atrás no tempo". Historia de Galicia.
- ↑ "A dixitalización do Arquivo Chicharro". Instituto Padre Sarmiento.
Véxase tamén
[editar | editar a fonte] |
Wikimedia Commons ten máis contidos multimedia na categoría: Manuel Chicharro |
Bibliografía
[editar | editar a fonte]- Acuña, Xosé Enrique (2000). "Chicharro Bisi". Gran Enciclopedia Galega Silverio Cañada. XXXIII (apéndice). Santiago de Compostela. p. 256.
- Pernas, Ramón; Acuña, Xosé Enrique; Cabo, José Luís (2000). Galicia en blanco y negro (en castelán). Espasa-Calpe. p. 83. ISBN 978-84-239-9327-7.
- Rodríguez, María José; Sanchis, José Ramón (2013). Directorio de fotógrafos en España (1851-1936) (en castelán). Diputación de Valencia. ISBN 978-84-7795-673-0.
