Manuel Álvarez Vicente

Manuel Álvarez Vicente
Nacemento	24 de agosto de 1857
Lugar de nacemento	A Guarda
Falecemento	2 de marzo de 1936
Lugar de falecemento	A Guarda
Nacionalidade	España
Ocupación	xornalista e político
[ editar datos en Wikidata ]

Manuel Álvarez Vicente, nado na Guarda o 24 de agosto de 1857 e finado na mesma vila o 2 de marzo de 1936, foi un xornalista, escritor e político galego.

Traxectoria

Emigrou a Porto Rico con catorce anos, onde completou a súa formación. Retornou a Galicia con vinte e nove anos, cunha boa posición económica e realizou importantes investimentos. Escribiu obras de teatro (¡Mientras haya flores!, La tertulia de Rolán, Siempre huérfana), colaborou en La Integridad, El Pueblo, Vida Gallega, Heraldo Guardés e Nuevo Heraldo. Foi alcalde da Guarda na ditadura de Primo de Rivera, membro da Asemblea Nacional Consultiva como representante dos concellos da provincia de Pontevedra e volveu ser alcalde na Segunda República, dimitindo en decembro de 1932. Foi socio fundador e presidente do Recreo Artístico Guardés e promotor da Sociedade Pro-Monte de Santa Tecla.

Predecesor: Manuel Otero Lomba	Alcalde da Guarda  1924 - 1929	Sucesor: Manuel Lomba Peña
Predecesor: Manuel Lomba Peña	Alcalde da Guarda  1931 - 1932	Sucesor: Agustín González Sobrino

Obras

Manuel Álvarez Vicente, 1909.

• O Tecla.
• Publicaciones del escritor y poeta Manuel Álvarez Vicente, 2002.

Recoñecementos

En 1982 dedicóuselle unha rúa na Guarda.

Vida persoal

Casou con María Sánchez Montalvo, que finou en 1921, e foi pai de Manuel María de Jesús, Luís, Benigno, Margarita, José Benito, Nemesio e Rafael Álvarez Sánchez.

Véxase tamén

Ligazóns externas

• Ficha en galegos.info
• Presentación na Guarda do libro "O Tecla" de Manuel Álvarez Vicente