Mantela

A mantela^[1] é unha prenda feminina popular en España.^[2] Xorde a partir do manto co que tradicionalmente se cubrían as mulleres. Este evolucionou até converterse nun elegante toucado de blonda (encaixe realizado con fío de seda), chantilly ou tule. É habitual nas procesións de Semana Santa, nas corridas de touros e outros eventos castizos, ademais de ser prenda cerimonial das madriñas en bautizos e vodas.^[3] Adoita complementarse cunha peita.

Historia

Algúns estudos arqueolóxicos fixan a orixe da mantela na Península Ibérica na civilización ibérica, a partir do descubrimento de pequenas figuras prerromanas de mulleres con toucados moi similares.

No século XVII xa era habitual utilizar a mantela de encaixe como peza distinguida, ademais da de pano e o mantón de Manila. Con todo, o seu uso non se xeneralizou entre as mulleres da nobreza e alta burguesía até finais do século XVIII, como se aprecia en varios retratos de Francisco de Goya. O costume continuouno Isabel II de España e, xa no século XX, a Raíña Sofía.^[4]

Tipos

Polo tecido

De blonda ou encaixe de seda, con grandes motivos florais realizados en seda máis brillante e ondulacións nos bordos ou "puntas de castañolas".
De chantilly, feita cun lixeiro tecido orixinario desta cidade francesa e bordado con distintos motivos.
De tule, tecido delgado e transparente confeccionado con seda, fío ou algodón. Usado a modo de imitación das mantelas de blonda e chantilly.

Pola xeografía

Mantela castelá
Mantela leonesa
Mantela aragonesa
Mantela andaluza

Por evento

De loito
De voda
Taurina
Branca de Resurrección

Notas

↑ Definicións no Dicionario da Real Academia Galega e no Portal das Palabras para mantela.
↑ "La mantilla española" (PDF). Hemeroteca ABC (en castelán). Arquivado dende o orixinal (PDF) o 3 de novembro de 2014.
↑ "Historia y uso de la mantilla. Origen. Evolución. Usos". Protocolo.org (en castelán).
↑ Prats Noguera, Cristina. "La mantilla. Poder y poderío". MUPART - Universitat de València (en castelán). Arquivado dende o orixinal o 23 de decembro de 2014.

Véxase tamén

Bibliografía

Pena González, Pablo (2007). "Indumentaria en España: el periodo isabelino (1830-1868)". Indumenta: Revista del Museo del Traje (en castelán) (0): 95–106. ISSN 1888-4555.
Rodríguez de Tembleque, Carmen (2008). "Un traje para la insinuación, la provocación y el recato". Congreso Internacional de Imagen y Apariencia (en castelán). Universidad de Murcia. ISBN 9788469184325.

[1] Definicións no Dicionario da Real Academia Galega e no Portal das Palabras para mantela.

[2] "La mantilla española" (PDF). Hemeroteca ABC (en castelán). Arquivado dende o orixinal (PDF) o 3 de novembro de 2014.

[3] "Historia y uso de la mantilla. Origen. Evolución. Usos". Protocolo.org (en castelán).

[4] Prats Noguera, Cristina. "La mantilla. Poder y poderío". MUPART - Universitat de València (en castelán). Arquivado dende o orixinal o 23 de decembro de 2014.

[1]

[2]

[3]

[4]