Manola Brunet
| Biografía | |
|---|---|
| Nacemento | 1955  (68/69 anos)Cariñena, España |
| Presidente Organización Meteorolóxica Mundial | |
| 2018 – | |
| Datos persoais | |
| País de nacionalidade | España |
| Educación | Universidade de Barcelona |
| Actividade | |
| Ocupación | climatóloga |
| Empregador | Universidade Rovira i Virgili Organización Meteorolóxica Mundial Servizo Meteorolóxico de Cataluña |
| Lingua | Lingua castelá |
Premios
| |
Manola Brunet India, nada en Cariñena en 1955, é unha xeógrafa española especializada en cambio climático.[1] Desde abril de 2018 preside a Comisión de Climatoloxía da Organización Meteorolóxica Mundial, sendo a primeira muller en dirixir a comisión desde a súa creación hai noventa anos. É unha experta internacional nas áreas de reconstrución instrumental e análise do clima e conta cunha longa traxectoria de colaboración coa Organización Meteorolóxica Mundial, participando desde 2001 nas actividades da Comisión de Climatoloxía. En 2005, foi nomeada copresidenta do Grupo dedicado á vixilancia e análise do clima. É profesora de Climatoloxía no Departamento de Xeografía da Universidade Rovira i Virgili e directora do Centro de Cambio Climático da mesma universidade.
Traxectoria[editar | editar a fonte]
É doutora en Xeografía e Historia (Sección de Xeografía) pola Universidade de Barcelona . En 1982 foi profesora da División VII da Universidade de Barcelona no campus de Tarragona. De 1995 a 2003 foi codirectora do Grupo de Investigación sobre Cambio Climático (GRCC) da URV e directora dende entón ata 2008, ano no que a URV creou o Centro de Cambio Climático no Campus Terres do Ebro, do que foi a súa primeira directora.[2]
Desde 2002 colabora co Global Climate Observing System (GCOS) Atmosphere Observation Panel for Climate (AOPC) Surface Pressure Working Group. Desde 2005 é “Visiting Fellow” na Unidade de Investigación Climática da Escola de Ciencias Ambientais da Universidade de East Anglia (Norwich, Reino Unido).
É unha experta internacional nas áreas de reconstrución instrumental e análise climática e conta cunha longa traxectoria de colaboración coa Organización Meteorolóxica Mundial, participando desde 2001 nas actividades da Comisión de Climatoloxía e foi nomeada en 2005 copresidenta do Grupo dedicado ao seguimento e análise do clima.[3]
En abril de 2018, na XVII Conferencia da Comisión de Climatoloxía da OMM, foi elixida presidenta da comisión e a chilena Bárbara Tapia foi elixida vicepresidenta. Por primeira vez en case 90 anos de historia, os dous cargos directivos da organización están ocupados por mulleres. Tamén é a primeira persoa española que ocupa ese posto. A Comisión Internacional de Climatoloxía é unha das oito comisións da OMM que dirixe as actividades de concienciación climática en apoio ao desenvolvemento socioeconómico sostible e á protección ambiental. Coordina a rede de Centros Climáticos Rexionais da OMM, que proporcionan previsións estacionais; é responsable do estado do clima mundial e emite regularmente informes de seguimento sobre o estado das anomalías da circulación atmosférica e oceánica como El Niño/La Niña e a Oscilación Austral.[4]
É membro da xunta directiva da Asociación Española de Climatología e do consello asesor do Servicio Meteorológico de Cataluña. A súa investigación céntrase tanto nos campos da arqueoloxía de datos climáticos e na reconstrución instrumental do clima, como na análise da variabilidade e do cambio climático.[5]
Notas[editar | editar a fonte]
- ↑ "'La ola de calor de Canadá sería casi imposible sin el cambio climático causado por el hombre'". La Vanguardia (en castelán). 2021-07-10. Consultado o 2021-12-22.
- ↑ "Una profesora catalana, al frente del comité mundial que investiga el cambio climático". La Vanguardia. Consultado o 2 de maio de 2018.
- ↑ "La Organización Meteorológica Mundial (OMM) nombra a la española Manola Brunet presidenta de la Comisión internacional de Climatología". Arquivado dende o orixinal o 3 de maio de 2018. Consultado o 2 de maio de 2018.
- ↑ "La OMM nombra a la profesora española Manola Brunet presidenta de la Comisión Internacional de Climatología". europapress.es (en castelán). 18 de abril de 2018. Consultado o 2 de maio de 2018.
- ↑ "Manola Brunet India" (PDF). Generalidad de Cataluña.
Véxase tamén[editar | editar a fonte]
Ligazóns externas[editar | editar a fonte]
- Abordar la crisis climáticano blog Mujeres con ciencia.
