Atol Maloelap

Na Galipedia, a Wikipedia en galego.
(Redirección desde «Maloelap»)
Maloelap
Atol Maloelap
Datos
País Illas Marshall Illas Marshall
Illa principal Tao
Linguas
Poboación (2002) 796 hab.
Superficie 9´8 km²
Superficie lagoa 973 km²
Nº de illas 75
Coordenadas 08°45′00″N 171°04′00″L / 8.75000, -171.06667
Maior Altura 9 m.
Localización
Localización do atol Maloelap

Maloelap é un atol de 75 illas no océano Pacífico, e forma un distrito lexislativo da cadea Ratak nas Illas Marshall. A súa superficie é de 9´8 km², pero que encerra unha lagoa de 973 km². Atópase a 18 km. ó norte do atol de Aur. En 1999, a poboación das illas do atol era de 856 habitantes.

As maiores das illas que conforman o atol son Taroa (o centro administrativo do atol), no nordés, e Kaben no noroeste. Só tres das outras illas no atol están habitadas: Airuk, Wolot e Jang. A illa está servida por Air Marshall Islands a través do aeroporto de Maloelap.

Historia[editar | editar a fonte]

Maloelap foi reclamada polo Imperio Alemán xunto co resto das Illas Marshall en 1884, os alemáns crearon un posto comercial. Despois da primeira guerra mundial, a illa caeu baixo o Mandato do Pacífico Sur do Imperio xaponés. En 1939, os xaponeses construíron unha base de hidroavións e avións terrestres aeródromo de Taroa con dúas pistas (4800 ' 4100), e numerosos edificios e instalacións de apoio, incluíndo unha estación de radar. O perímetro da illa foi fortificada con artillaría costeira e canóns antiaéreos. A illa foi atacada pola Armada dos Estados Unidos en febreiro de 1942, por aeronaves con base en portaavións, e bombardeos por buques de guerra. Os ataques aumentaron en frecuencia e gravidade a partir da caída de Majuro e Kwajalein. Dos 3.097 homes da guarnición xaponesa (1772 da Armada Imperial Xaponesa, 368 do Exército Imperial Xaponés, e 957 civís) só 1.041 (34%) sobreviviron á guerra. Tamén morreron numeroso nativos das Illas Marshall. Un gran número de reliquias de guerra, incluídos numerosos pecios de avións, principalmente cazas Zero Mitsubishi A6M e bombardeiros Mitsubishi G3M permanecen dispersos na illa.

Tras o final da segunda guerra mundial, a illa quedou baixo o control dos Estados Unidos, como parte do Territorio en Fideicomiso das Illas do Pacífico ata a independencia das Illas Marshall en 1986. Maloelap foi o primeiro atol en ratificar a constitución da Illas Marshall.

Ligazóns externas[editar | editar a fonte]