Malacántidos

Malacanthus latovittatus

Reino:	Animalia
Filo:	Chordata
Clase:	Actinopterygii
Orde:	Perciformes
Familia:	Malacanthidae Poey, 1861

Subfamilias e xéneros^[1]

Subfamilia Latilinae

Subfamilia Malacanthinae

Hoplolatilus
Malacanthus

Os Malacántidos (Malacanthidae) son unha familia de peixes mariños incluída na orde dos Perciformes. Distribúese polo Atlántico, Índico e Pacífico a profundidades de entre 10 e 500 m (normalmente entre 50 e 200 m). A especie Malacanthus latovittatus pode atoparse tamén en esteiros.

Características

Presentan unha soa aleta dorsal, longa, con 22 a 84 espiñas e radios; a anal tamén longa cunha ou dúas espiñas débiles e 11-55 radios brandos; pelvianas cunha espiña e 5 radios brandos; aleta caudal truncada ou algo furcada. No opérculo hai normalmente unha espiña aguda e patente.

Os exemplares de maior tamaño poden acumular importantes cantidades de mercurio na súa carne, un metal pesado tóxico e bioacumulable, polo que están considerados responsables potenciais de intoxicacións por este elemento. Por esta razón a FDA americana recomendou en 2001 que as mulleres embarazadas ou en período de lactación, e mailos meniños, evitasen o consumo deste peixe ^[2].

Clasificación

A familia divídese en dúas subfamilias ^[3] e 5 xéneros:

Subfamilia Latilinae:
- Xénero Caulolatilus (Gill, 1862)
- Xénero Lopholatilus (Goode e Bean, 1879)
Subfamilia Malacanthinae:

- Xénero Branchiostegus (Rafinesque, 1815)
- Xénero Hoplolatilus (Günther, 1887)
- Xénero Malacanthus (CuvierDesam, 1829)

Notas

↑ Froese, Rainer e Daniel Pauly, eds. (2015). "Malacanthidae" en FishBase. Versión de October de 2015.
↑ Así como de tiburón, xarda do Atlántico e peixe espada [1].
↑ Existe a proposta de separalas en cadansúa familia propia.