Maarten van Dulm

Maarten van Dulm
	;
Biografía
Nacemento	4 de agosto de 1879 ; Arnhem, Países Baixos
Morte	25 de abril de 1949 (69 anos); Wassenaar, Países Baixos
Actividade
Ocupación	oficial da armada (1900–1936), esgrimista
Carreira militar
Rama militar	Mariña Real dos Países Baixos
Rango militar	Vicealmirante
Deporte	esgrima
Participou en
1928	Xogos Olímpicos de 1928
1924	Xogos Olímpicos de 1924
Premios
	(25 de febreiro de 1937) comandante da Lexión de Honra; (27 de maio de 1936) Comandante da Orde de Orange-Nassau; (15 de decembro de 1934) Knight of the Order of the Netherlands Lion (en) ; (23 de setembro de 1931) comendador da Orde de Dannebrog; (1 de abril de 1930) Comendador de Ordem da Espada (pt) ; (6 de decembro de 1915) Officers' Cross (en) ;

Maarten Hendrik van Dulm, nado en Arnhem o 4 de agosto de 1879 e finado en Wassenaar o 25 de abril de 1949, foi un militar e tirador de esgrima neerlandés.

Traxectoria

En 1900 entrou na Mariña Real, entre 1919 e 1922 foi editor de Marineblad, publicación da Asociación Naval (asociación profesional de oficiais da Mariña Real). En 1924 acadou o rango de capitán tenente do mar ^[1] encomendándolle o mando do Hr. Ms. Java efectivo tras a súa botadura o 1 de maio de 1925. Posteriormente comandou o Hr. Ms. Van Speijk, o Hr. Ms. Jacob van Heemskerck e o Hr. Ms. Gelderland. En 1932 foi durante once meses Xefe de Estado Maior nas Indias Orientais Neerlandesas, despois do cal estivo ao mando da escuadra naval neerlandesa. Desde abril de 1934 ata marzo de 1936 comandou as forzas navais na Indias Orientais e foi xefe do Departamento de Mariña en Batavia. Tras retirarse do servizo activo foi nomeado en 1937 presidente do International Board for Non-Intervention in Spain establecido polo Comité Internacional de Non Intervención con sede en Londres. En 1939 encabezou unha misión neerlandesa nos Estados Unidos coa misión de establecer contactos para o fornecemento de material de guerra aos Países Baixos ^[2].

Grande esgrimista, participou nos Xogos Olímpicos de 1924 e 1928, logrando a medalla de bronce na proba de sabre por equipos en 1924. Era comendador da Orde de Orange-Nassau e cabaleiro da Orde do León Neerlandés.

Notas

↑ Rango da Mariña Real Neerlandesa equivalente a tenente coronel
↑ T. van Gent Het falen van de Nederlandse gewapende neutraliteit, september 1939 - mei 1940

[1] Rango da Mariña Real Neerlandesa equivalente a tenente coronel

[2] T. van Gent Het falen van de Nederlandse gewapende neutraliteit, september 1939 - mei 1940

[1]

[2]