MSX BASIC
| MSX BASIC | |||||||||
|---|---|---|---|---|---|---|---|---|---|
| |||||||||
| |||||||||
| |||||||||
| |||||||||
| |||||||||
| |||||||||
| |||||||||
| Wikidata | |||||||||
O MSX BASIC é un dialecto da linguaxe de programación BASIC. É unha versión estendida da versión 4.5 de MBASIC de Microsoft, que engade compatibilidade con gráficos, música e varios periféricos conectados ás microcomputadoras MSX. En xeral, MSX BASIC está deseñado para seguir o GW-BASIC, lanzado o mesmo ano para IBM PC e os seus clons.[1] Durante a creación de MSX BASIC, fíxose un esforzo para facer o sistema flexible e ampliable.
Distribución
[editar | editar a fonte]MSX BASIC viña incluído na ROM de todos os ordenadores MSX. Ao iniciar o sistema, invócase MSX BASIC, o que fai que se mostre a súa liña de comandos, a menos que outro software colocado na ROM tome o control (que é o caso típico dos cartuchos de xogos e as interfaces de disco, este último facendo que se mostre a liña de comandos de MSX-DOS se hai un disco presente que contén os ficheiros do sistema DOS).[2]
Cando se invoca MSX BASIC, o código ROM da BIOS e o propio intérprete de BASIC son visibles nos 32 KB inferiores do espazo de enderezos do Z80. Os 32 KB superiores están destinados á RAM, da cal entre 23 KB e 28 KB están dispoñibles para código e datos de BASIC (a cantidade exacta depende da presenza dun controlador de disco e da versión do kernel de MSX-DOS).[3]
Contorno de desenvolvemento
[editar | editar a fonte]O contorno de desenvolvemento MSX BASIC é moi similar a outras versións de Microsoft BASIC. Ten un sistema de contorno de desenvolvemento integrado (Integrated development environment ou IDE en inglés) baseado en liña de comandos; todas as liñas do programa deben estar numeradas, todas as liñas non numeradas considéranse comandos en modo directo (é dicir, que se executan inmediatamente). A interface de usuario está baseada completamente en liña de comandos.[4]
Exemplo de código
[editar | editar a fonte]O seguinte é un exemplo de código escrito en MSX BASIC: [5]
10 SCREEN 2
20 C=INT(15*RND(1))
30 I=INT(92*RND(1))
40 X2=255-I
50 Y2=191-I
60 FOR X=I TO X2 STEP 4
70 PSET (X,I),C
80 PSET (X,Y2),C
90 IF X2-X<=64 THEN 120
100 PSET (I,X),C
110 PSET (X2,X),C
120 NEXT X
130 GOTO 20
Notas
[editar | editar a fonte]- ↑ Tom R. Halfhill (xaneiro de 1985). "MSX Is Coming - Part II: Inside MSX". Compute!. Arquivado dende o orixinal o 24 de novembro de 2010. Consultado o 2010-10-31.
- ↑ Nunes, Giovanni (2016-02-05). "Escrevendo um jogo para MSX – parte 2". giovannireisnunes.wordpress.com (en portugués). Consultado o 2026-06-13.
- ↑ "CHAPTER 2 - BASIC". Konamiman (en inglés). Consultado o 2026-06-13.
- ↑ MSX BASIC Guide (PDF) (en inglés). JVC. pp. 6–7.
- ↑ David H. Ahl (1984). "Simple screen graphics with MSX Basic". Creative Computing (en inglés) 10 (2): 204. Arquivado dende o orixinal o 09 de xuño de 2026. Consultado o 14 de xullo de 2026.
Véxase tamén
[editar | editar a fonte] |
Wikimedia Commons ten máis contidos multimedia na categoría: MSX BASIC |
Ligazóns externas
[editar | editar a fonte]- Lavandeira, Javi (2015-10-24). "Relearning MSX #1 — Introduction". Relearning MSX (en inglés).
 |
Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
