MD Helicopters MD 500

Na Galipedia, a Wikipedia en galego.
Saltar ata a navegación Saltar á procura
MD Helicopters MD 500
Md helicopters md-500e g-sscl arp.jpg
MD 500E
Tipohelicóptero utilitario lixeiro
FabricanteHughes Helicopters, McDonnell Douglas Helicopter Systems, MD Helicopters
Primeiro voo27 de febreiro de 1963
Introducido1967[1]
Produción1967-presente
Unidades construídas4 700[2]

A serie MD Helicopters MD 500 é unha familia de helicópteros utilitarios civís e militares. O MD 500 desenvolveuse a partir do Hughes 500, unha versión covil do aparello do Exército dos Estados Unidos OH-6A Cayuse/Loach. No presente a serie inclúe os MD 500E, MD 520N e MD 530F.

Deseño e desenvolvemento[editar | editar a fonte]

A exitosa serie Hughes 500/MD 500 naceu como resposta a un requerimento do Exército dos Estados Unidos para un Helicóptero de Observación Lixeiro (LOH).[3] O Model 369 de Hughes gañou a competición contra Bell e Hiller. O posterior OH-6 Cayuse voou por vez primeira en febreiro de 1963.

O deseño da serie 500 conta con patín con amortecedores, un motor turboeixo montado nun ángulo de 45º cara a parte traseira da cabina, un tanque de combustible baixo o chan e a batería no nariz. O porto de saída do motor está situado ao final da cabina, baixo a pluma de cola. Ten un sistema de rotor principal cun diámetro curto e unha cola tamén curta, dándolle unha resposta de control áxil e sendo menos susceptible a xirarse cara o vento.

Hughes gañou o concurso LOH co seu helicóptero OH-6 propoñendo un prezo moi baixo e agresivo por célula (sen o motor). Debido á subida de prezos o Exército estadounidense posteriormente reabriu o concurso, onde Hughes ofreceu o aparello a un prezo máis realista, pero perdeu ante o redeseñado Bell OH-58 Kiowa. Aínda así, os helicópteros OH-6 foron pedidos polo Exército, aínda que nun número moito menor.

Notas[editar | editar a fonte]

  1. "Hughes 369 / 500 / OH-6". All-Aero. Consultado o 23 de outubro de 2018. 
  2. "MD Helicopters MD-500/530". Airliners. Consultado o 23 de outubro de 2018. 
  3. Frawley, Gerard (2003). The International Directory of Civil Aircraft, 2003-2004. Aerospace Publications Pty Ltd. ISBN 1-875671-58-7.