Mária Telkes

Na Galipedia, a Wikipedia en galego.
Saltar ata a navegación Saltar á procura
Mária Telkes
Maria Telkes NYWTS.jpg
Nacemento12 de decembro de 1900
 Budapest
Falecemento2 de decembro de 1995
 Budapest
NacionalidadeHungría e Estados Unidos de América
Alma máterUniversidade Eötvös Loránd
Ocupaciónquímica, biofísica e inventora
PremiosSalón da Fama dos Inventores Nacionais e Society of Women Engineers Achievement Award
editar datos en Wikidata ]

Mária Telkes, nada en Budapest o 12 de decembro de 1900 e finada o 2 de decembro de 1995, foi unha física e química húngara, pioneira e inventora que traballou en tecnoloxías de enerxía solar.[1] Trasladouse aos Estados Unidos de América logo de obter o seu doutoramento en fisicoquímica.

Carreira[editar | editar a fonte]

Telkes traballou como biofísica nos Estados Unidos, e de 1939 a 1953, investigou sobre a enerxía solar no Instituto de Tecnoloxía de Massachusetts.

Telkes é coñecida por inventar o primeiro xerador termoeléctrico en 1947, e deseñou o primeiro sistema de calefacción solar para a Casa Solar de Dover, Massachusetts deseñada por Eleanor Raymond,[2][3][4] e o primeiro refrixerador termoeléctrico en 1953.

Foi unha prolífica inventora de dispositivos termoeléctricos, incluíndo unha unidade portátil de desalinización para uso en botes salvavidas, que utilizan enerxía solar e condensación para obter auga potable por destilación solar.[1]

Telkes é considerada unha das fundadoras dos sistemas de almacenamento de enerxía solar, por ese motivo foi chamada a "raíña solar".[1] Mudouse a Texas nos 70 e asesorou moitas compañías pioneiras no campo da enerxía solar.

Premios[editar | editar a fonte]

  • 1952 Premio Society of Women Engineers.
  • 1977 American Solar Energy Society - Premio Charles Greeley Abbot
  • 2012 National Inventors Hall of Fame

Notas[editar | editar a fonte]

  1. 1,0 1,1 1,2 "Maria Telkes". National Inventors Hall of Fame. Arquivado dende o orixinal o 03 de marzo de 2016. Consultado o 26 de setembro de 2016. 
  2. Denzer, Anthony (2013). The Solar House: Pioneering Sustainable Design. Rizzoli. Arquivado dende o orixinal o 26/07/2013. Consultado o 09/02/2020. 
  3. Rooney, Anne. Solar Power. Gareth Stevens, Inc. (2008)
  4. Eyras, Ismael (3/4/2015). "Eleanor Raymond 1887-1989". Un día | una arquitecta. Consultado o 10/12/2016. 

Véxase tamén[editar | editar a fonte]

Ligazóns externas[editar | editar a fonte]