Márcia (cantante portuguesa)

Na Galipedia, a Wikipedia en galego.
Márcia
Información xeral
Nome completo Ana Márcia de Carvalho Santos
Nacemento 19 de febreiro de 1982 (39 anos)
Orixe Lisboa
País Portugal Portugal
Xénero musical Pop, rock, indie, folk
Instrumento(s) voz, guitarra
Páxina oficial https://www.marcia.pt/

Ana Márcia de Carvalho Santos (Lisboa, 19 de febreiro de 1982) é unha cantante, compositora e poeta portuguesa.

Traxectoria[editar | editar a fonte]

Estudou Pintura na Facultade de Belas Artes e traballou en cinema documental, mais á parte da súa formación académica estudou canto na escola de Jazz Hot Club.

Formou parte do grupo popular Real Combo Lisbonense.

EP e primeiro éxito[editar | editar a fonte]

En 2009 lanzou o seu primeiro traballo en solitatario "Márcia", con cinco cancións de guitarra e voz. Entre elas, a súa canción máis coñecida, "A pele que há en min" que máis tarde viría a ter unha versión en dueto co cantante J.P. Simões. Esta versión, "A Pele que há en min (quando o dia atardeceu)" (Dá, Parlophone Music Portugal, 2011) foi nomeada para mellor canción na gala Globos de Ouro 2012.

"DÁ"[1] foi o seu primeiro álbum de longa duración, producido polo músico Luis Nunes (que editaba co pseudónimo de Walter Benjamin) e polo mentor do Real Combo Lisbonense (proxecto que integrou entre 2008 e 2012), João Paulo Feliciano. Este disco foi editado en 2010 por unha editora independente e reeditado en 2011 pola Parlophone Music Portugal.

En maio de 2013 lanzou "Casulo" (Warner Music Portugal), un disco influenciado pola experiencia da maternidade que tivo por primeira vez en 2012 e producido polo seu marido, Filipe Cunha Monteiro.

O primeiro single foi "Deixa-me ir", con clipe do realizador Miguel Gonçalves Mendes.[2] O segundo single foi a canción "Menina", para a cal contou coa colaboración de Samuel Uría.

Na altura da promoción de Casulo, unhas choivas fortes en Lisboa anegaron o seu estudio persoal encharcando tamén os seus discos que alí estaban gardados, sobre todo unha caixa chea con exemplares do seu álbum "Dá". Márcia resolveu entón doar os discos mollados para quen quixese, autografados, onde o interesado pagaría os gastos postais e os fans acabaron coas existencias.[3]

Quarto Crescente[editar | editar a fonte]

En 2015 lanza "Quarto Crescente" gravado no Río de Xaneiro e producido polo músico Dadi Carvalho.[4] Na canción "Linha de ferro" contou coa colaboración do cantante brasileiro Criolo. A capa do álbum xa non son ilustracións, como en "Dá" e "Casulo", mais que é, por primeira vez, unha fotografía da Márcia, en negro e branco, rexistrada polo tamén músico David Fonseca.[5]

O primeiro single foi "Insatisfação". Gravado entre Lisboa e o Río de Xaneiro. Quarto Crescente ten 11 temas, todos eles con letra e música de Márcia, con excepción do tema “Mal Menor” en que a música foi composta por Filipe C. Monteiro.[6]

Vai e vem[editar | editar a fonte]

En 2018 lanza o álbum "Vai e vem", un disco de plena afirmación da cantante na música portuguesa.[7] Todas as 12 cancións de "Vai e Vem" teñen a sinatura de Márcia, mais tres delas son interpretadas en dueto − con António Zambujo, Samuel Úria e Salvador Sobral. Dúas cancións do álbum xa foran publicadas anteriormente: "Agora" formou parte do Festival da Canción en febreiro de 2017[8] e "Tempo de aventura" foi lanzado en abril de 2017, as dúas músicas con vídeo realizados por Joana Linda.[9][10]

O primeiro single foi "A tempestade", acompañado dun vídeoclip, filmado no Barrio da Fonte da Prata, con realización de Filipe C. Monteiro e dirección de fotografía de Ricardo Magalhães. Un vídeo conmovedor e que conta coa participación de varios moradores do barrio.[11]

En 2019 Márcia foi distinguida co premio José da Ponte polo álbum "Vai e Vem".[12]

En 2021 foi premio no Certame aRi[t]mar Galiza e Portugal por “O verão sabe-me bem” (As estradas são para ir).[13]

Discografía[editar | editar a fonte]

  • Márcia (2009)
  • (2010)
  • (2011 reedición Parlophone Music Portugal)
  • Casulo (2013 Warner Music Portugal)[14][15]
  • Quarto Crescente (2015 Warner Music Portugal)
  • Vai e Vem (2018)

Poesía[editar | editar a fonte]

Notas[editar | editar a fonte]

  1. "Dá". PÚBLICO (en portugués). Consultado o 2021-05-11. 
  2. "Márcia. “O meu público não vem impingido pela rádio, gosta da música”". ionline (en portugués). Consultado o 2021-05-11. 
  3. Kerzer, Thiago (2014-10-01). "Márcia distribui discos molhados e esgota o estoque - TMDQA!". Tenho Mais Discos Que Amigos! (en portugués). Consultado o 2021-05-11. 
  4. Frota, Gonçalo. "As belas canções sem medo de Márcia". PÚBLICO (en portugués). Consultado o 2021-05-11. 
  5. Frota, Gonçalo. "As belas canções sem medo de Márcia". PÚBLICO (en portugués). Consultado o 2021-05-11. 
  6. André, João Gabriel Ribeiro, Rita Pinto, Mário Rui; Shifter, Redacção (2015-05-15). "Márcia com novo disco em Junho. “A Insatisfação” é o primeiro avanço". Shifter (en portugués). Arquivado dende o orixinal o 11 de maio de 2021. Consultado o 2021-05-11. 
  7. "Visão. "Vai e Vem", de Márcia: A sensualidade do desencontro". Visão (en portugués). 2018-10-29. Consultado o 2021-05-11. 
  8. "Márcia: "Fui ao Festival da Canção com uma hemorragia vocal. Não foi agradável"". ESC PORTUGAL A Eurovisão em Português. Consultado o 2021-05-11. 
  9. "BLITZ – Márcia partilha vídeo de “Agora”, canção que levou ao Festival da Canção". Jornal blitz (en portugués). Consultado o 2021-05-11. 
  10. "Márcia lança nova música Tempo de Aventura". Espalha-Factos (en portugués). 2017-04-08. Consultado o 2021-05-11. 
  11. "Márcia lança novo single “Tempestade”" (en portugués). Consultado o 2021-05-11. 
  12. "BLITZ – Márcia vence prémio da Sociedade Portuguesa de Autores". Jornal blitz (en portugués). Consultado o 2021-05-11. 
  13. "Certame aRi[t]mar Galiza e Portugal 2021 - O Portal da Lingua Galega". www.lingua.gal. Consultado o 2021-05-11. 
  14. SAPO. "Pesquisa por: blitz sapo". SAPO (en portugués). Consultado o 2021-05-11. 
  15. Frota, Gonçalo. "A felicidade como acto de resistência". PÚBLICO (en portugués). Consultado o 2021-05-11. 

Véxase tamén[editar | editar a fonte]

Ligazóns externas[editar | editar a fonte]