Luis Gómez Piña

Luis Gómez Piña
Biografía
Nacemento	7 de setembro de 1969 (54 anos); Lisboa, Portugal
Deputado no Congreso dos Deputados
Deputado do Parlamento de Galicia
Alcalde da Cañiza
Datos persoais
País de nacionalidade	España
Actividade
Ocupación	político

Luis Antonio Gómez Piña, nado en Lisboa o 7 de setembro de 1969, é un político galego do PSdeG-PSOE.

Traxectoria[editar | editar a fonte]

Política municipal[editar | editar a fonte]

Nas eleccións municipais de 1991 encabezou a candidatura do PSdeG-PSOE na Cañiza e foi elixido concelleiro na oposición. Nos seguintes comicios foi mellorando progresivamente os seus resultados, pasando de 1 concelleiro a 2 en 1995 e 1999, 4 en 2003, 5 en 2007 e 2011 e 6 en 2015 e 2019. Nesta última convocatoria electoral o PPdeG perdeu a maioría absoluta, polo que foi elixido alcalde grazas a un pacto co único concelleiro de Ciudadanos^[1]. Nas eleccións municipais de 2023 revalidou a alcaldía con maioría absoluta ó lograr 7 concelleiros.

Política nacional e autonómica[editar | editar a fonte]

Foi deputado no Congreso dos Deputados dende o 28 de abril de 2009 en substitución de Antón Louro^[2], permanecendo no cargo ata o final da lexislatura en 2011. Trala finalización do seu mandato como parlamentario estatal, accedeu a un escano no Parlamento de Galicia en substitución de Guillermo Meijón a finais de 2011^[3], permanecendo ata o final de dita lexislatura en 2012.

Foi Secretario de Organización do PSdeG-PSOE na provincia de Pontevedra a partir de outubro de 2009, ata a súa renuncia en xaneiro de 2012. Dende xaneiro de 2018 volveu a ocupar dito posto^[4], no cal se mantivo tralo congreso de febreiro de 2022.