Luis Caffarelli

Luis Caffarelli

Biografía
Nacemento	8 de decembro de 1948 (75 anos) Buenos Aires, Arxentina
Datos persoais
Residencia	Buenos Aires
País de nacionalidade	Arxentina Estados Unidos de América
Educación	Universidade de Buenos Aires Colegio Nacional de Buenos Aires (en)
Director de tese	Calixto Pedro Calderón (en)
Actividade
Campo de traballo	Análise matemática e ecuación en derivadas parciais
Ocupación	matemático , profesor universitario
Empregador	Universidade de Texas en Austin Universidade de Chicago Universidade de Nova York Universidade de Minnesota (pt)
Membro de	Society for Industrial and Applied Mathematics (pt) (Fellow of the Society for Industrial and Applied Mathematics (en) ) (2018–) American Mathematical Society (pt) (Fellow of the American Mathematical Society (en) ) (2012–) Academia Nacional das Ciências (Itália) (pt) Royal Spanish Mathematical Society (en) Academia das Artes e das Ciencias dos Estados Unidos Academia Naciona de Ciencias dos Estados Unidos Pontifícia Academia das Ciências (pt) Accademia Nazionale dei Lincei
Obra
Doutorando	Ovidiu Savin (pt) , Eduardo Teixeira (en) , Ioannis Athanasopoulos (en) , Enrico Valdinoci (pt) , Guido De Philippis (pt) , Daniel Phillips (en) , Lihe Wang (en) , Ki-ahm Lee (en) , Leonardo Bonorino (en) , Peiyong Wang (en) , Néstor Edgardo Aguilera (en) , Ivan Alexander Blank (en) , Luis Silvestre (en) , Monica Torres (en) , Diego Ribeiro Moreira (en) , Claudia Beatriz Lederman (en) , Russell Schwab (en) , Nestor Guillen (en) , Betul Orcan (en) , Ray Yang (en) , Lan Tang (en) , Rafayel Teymurazyan (en) , Veronica Rita Antunes de Soares Quitalo (en) , Rohit Jain (en) , Hector Andres Chang-Lara (en) , Hui Yu (en) e Luis Felipe Duque Alvarez (en)
Familia
Cónxuxe	Irene M. Gamba (pt)
Premios (2023)  Premio Abel (2018)  The Shaw Prize in Mathematical Sciences (en) (2018)  Fellow of the Society for Industrial and Applied Mathematics (en) (2014)  Steele Prize for Seminal Contribution to Research (en) (2013)  Fellow of the American Mathematical Society (en) (2012)  Prémio Wolf de Matemática (pt) (2009)  Steele Prize for Lifetime Achievement (en) (2005)  Rolf Schock Prize in Mathematics (en) (2003)  diamond Konex award (en) (1984, 1984)  Prêmio Bôcher (pt)  honorary doctorate of the Autonomous University of Madrid (en)  Doutor honoris causa pola Universidade Complutense de Madrid

Luis Angel Caffarelli, nado en Bos Aires, Arxentina o 8 de decembro de 1948, é un matemático arxentino. Dende 1973 leva radicado nos Estados Unidos e ten a dobre nacionalidade. É un expecialista punteiro no eido das ecuacións diferenciais parciais e as súas aplicacións.

Traxectoria

Carreira

Caffarelli naceu e medrou en Buenos Aires. Obtivo o máster en Ciencias Exacta en 1968 e o doutoramento (1972) na Universidade de Bos Aires baixo a titoría de Calixto Calderón. Continuou os seus estudos de posgrao na Universidade de Minnesota, onde foi profesor asistente, profesor asociado e finalmente, profesor con categoría plena de 1979 a 1984. A seguir, traballou na Universidade de Chicago, despois no Instituto Courant de Ciencias Matemáticas da Universidade de Nova York en dúas etapas e, de 1986 a 1996, foi profesor no Institute for Advanced Study (IAS) de Princeton. Dende 1997, traballa na Universidade de Texas en Austin, onde ocupa hoxe en día a Cátedra Sid Richardson.

Campo de traballo

Caffarelli recibiu un gran recoñecemento co seu traballo innovador The regularity of free boundaries in higher dimensions publicado en 1977 en Acta Mathematica. Desde entón, foi considerado un dos principais expertos mundiais en problemas de fronteiras libres (nos que se describe o que sucede o que sucede na superficie de contacto dun sistema dinámico como o xeo nun vaso de auga ou nuha fronte atmosférica) e ecuacións en derivadas parciais non lineais. Desenvolveu varios resultados de regularidade para ecuacións elípticas totalmente non lineais, incluíndo a ecuación de Monge-Ampere. Tamén é famoso polas súas contribucións á homoxeneización. Recentemente, interesouse polas ecuacións integro-diferenciais.

Un dos seus traballos máis citados e celebrados, realizado en 1982 en colaboración con Louis Nirenberg e Robert V. Kohn, refírese á regularidade parcial das solucións débiles adecuadas das ecuacións de Navier-Stokes que describen, dende 1845, o fluxo dun fluído viscoso como o aceite.

Obra

Ten publicados máis de douscentos artigos en revistas académicas e foi coautor de dous libros:

1. Fully Nonlinear Elliptic Equations, con Xavier Cabré (1995). Providence, RI: American Mathematical Society. ISBN 0-8218-0437-5
2. A Geometric Approach to Free Boundary Problems (2005) con Sandro Salsa. Providence, RI: American Mathematical Society. ISBN 978-0-8218-3784-9

Premios e recoñecementos

Ao longo da súa carreira, foi nomeado bolseiro visitante en institutos e universidades de Australia, Italia e Alemaña, e deu conferencias e coloquios no Instituto Tecnolóxico de Massachusetts (MIT), Berkeley, Stanford, a Universidade de Nova York e a Universidade de Bonn entre outros lugares. Ademais, anualmente imparte cursos e seminarios na Universidade de Bos Aires, onde é Profesor Honorario.

En 1991 foi elixido membro da Academia Nacional de Ciencias, de Estados Unidos. Foi Doutor honoris causa pola Escola Normal Superior de París; Universidade de Notre Dame; Universidade Autónoma de Madrid e Universidade da Prata, Arxentina. Recibiu o Premio Bôcher en 1984. En 1997, foi presidente da Olimpiada Matemática Internacional celebrada en Mar del Plata. En 2003, a Fundación Konex da Arxentina concedeulle o Premio Diamond Konex, un dos máis prestixiosos da Arxentina, como o científico máis importante do seu país na última década xunto con Mirta Roses Periago. En 2005, recibiu o prestixioso Premio Rolf Schock da Real Academia Sueca de Ciencias "polas súas importantes contribucións á teoría das ecuacións en derivadas parciais non lineais"

Tamén é un dos escasos científicos do seu país que forman parte da Academia Pontificia das Ciencias. Dende entón, Caffarelli, ostenta o título de "Excelencia" e goza dunha honra que só conseguiran outros dous grandes científicos arxentinos, como Bernardo Houssay e Luis Federico Leloir. Entre outras distincións, recibiu do papa Xoán Paulo II, en 1988, a Medalla de Ouro Pío XI, instituída en honor deste pontífice, polo seu labor a favor da Academia Pontificia das Ciencias.

En 2009, recibiu o Premio Leroy P. Steele pola súa traxectoria nas matemáticas. En 2012, foi galardoado co Premio Wolf (conxuntamente con Michael Aschbacher) polos seus traballos sobre a regularidade das ecuacións elípticas e parabólicas, os problemas de fronteiras libres e a mecánica de fluídos. En 2015, a Real Academia das Ciencias decidiu nomealo como Académico Correspondente Numerario. O acto de inauguración tivo lugar o 3 de xuño dese ano, na sede da Academia onde o novo académico impartiu a conferencia Difusións non lineais, un dos temas polos que é coñecido mundialmente.

En 2017, impartiu a Conferencia Łojasiewicz sobre Some models of segregation (en galego, Algúns modelos de segregación) na Universidade Jagellónica de Cracovia e, en 2018, recibiu o Premio Shaw en Matemáticas.

En 2023, se converteu no primeiro latinoamericano galardoado co Premio Abel "polas súas contribucións fundamentais á teoría da regularidade para ecuacións diferenciais parciais non lineais, incluíndo problemas de fronteiras libres e a ecuación de Monge-Ampère". A cerimonia de entrega do premio será en Oslo o 23 de maio de 2023.

Vida persoal

Está casado con Irene Martínez Gamba, tamén brillante matemática.

Véxase tamén

Bibliografía

• Caffarelli, Luis; Kohn, R.; Nirenberg, L. (novembro 1982). S.R.S. Varadhan, ed. "Partial regularity of suitable weak solutions of the navier-stokes equations". Communications on Pure and Applied Mathematics (en inglés) 35 (6): 771–831. ISSN 1097-0312. doi:10.1002/cpa.3160350604. 

Ligazóns externas

• Luis Caffarelli at the Mathematics Genealogy Project
• Sito na Universidade de Texas
• Reseña de Fully nonlinear elliptic equations