Luís Menor

Na Galipedia, a Wikipedia en galego.
Luís Menor
Nacemento1964
Lugar de nacementoO Pereiro de Aguiar
NacionalidadeEspaña
Alma máterUniversidade de Santiago de Compostela e Universidad Nacional de Educación a Distancia
Ocupaciónpolítico e funcionario
editar datos en Wikidata ]

Luis Menor Pérez, nado no Pereiro de Aguiar en 1964, é un avogado, funcionario e político galego do PPdeG.

Traxectoria[editar | editar a fonte]

Diplomado en Educación pola Universidade de Santiago de Compostela, licenciouse despois en Dereito na UNED. Posteriormente realizou cursos de especialización en criminoloxía.[1] Laboralmente, iniciouse traballando como axente xudicial na década dos 80, onde foi medrando primeiro a oficial de xustiza e posteriormente a secretario de xulgado, posto que acadou en 2009. Nese mesmo ano comezou a traballar en cargos de libre designación da Administración, nomeado polo Partido Popular de Galicia: primeiro foi escollido xefe territorial da consellería de Presidencia na provincia de Ourense, ao ano seguinte accedeu ao posto de secretario territorial da delegación provincial da Xunta de Galicia, e en 2014 á dirección xeral de Emerxencias e Interior,[2] na consellería de Presidencia.

A finais de 2018 fíxose público que encabezaría a lista do Partido Popular nas eleccións municipais de 2019 no seu concello natal, O Pereiro de Aguiar.[2] Resultou elixido alcalde con maioría absoluta, ao igual ca nas municipais de 2023.

Deputado provincial, o pleno da Deputación de Ourense elíxiuno presidente na sesión plenaria do 17 de xullo do 2023[3] en substitución de José Manuel Baltar. Uns meses despois, a finais de outubro, substituíu tamén a Baltar fillo como presidente do PP ourensán[4].

Notas[editar | editar a fonte]

  1. "Luis Menor Pérez - Portal Transparencia". transparencia.xunta.gal. Arquivado dende o orixinal o 04 de xullo de 2019. Consultado o 2018-11-28. 
  2. 2,0 2,1 "Luis Menor será el candidato del PP a la alcaldía de Pereiro". La Región (en castelán). Consultado o 2018-11-28. 
  3. "Nueva etapa en la Diputación de Ourense con Luis Menor al frente". 17/07/2023. Consultado o 17/07/2023. 
  4. Cruz, Isaac (2023-10-27). "Baltar cede la presidencia del Partido Popular de Ourense". La Región (en castelán). Consultado o 2023-10-28. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Predecesor:
Eliseo Fernández Gómez
 
Alcalde do Pereiro de Aguiar
 
2019 - actualidade
Sucesor:
no cargo
Predecesor:
José Manuel Baltar Blanco
 
Presidente da Deputación de Ourense
 
2023 - actualidade
Sucesor:
no cargo