Luis Mariñas
| Luis Mariñas | |
|---|---|
| Nacemento | 7 de agosto de 1947 |
| Lugar de nacemento | A Coruña |
| Falecemento | 27 de decembro de 2010 |
| Lugar de falecemento | Madrid |
| Causa | infarto agudo de miocardio |
| Nacionalidade | España |
| Ocupación | xornalista e presentador de televisión |
| Cónxuxe | Beatriz Pérez-Aranda |
| Na rede | |
  | |
| [ editar datos en Wikidata ] | |
Luis Mariñas Lage, nado na Coruña o 7 de agosto de 1947 e finado en Madrid o 27 de decembro de 2010[1], foi un xornalista galego.
Traxectoria[editar | editar a fonte]
Televisión española (1969-1990)[editar | editar a fonte]
Comezou a súa traxectoria profesional en 1969, en Televisión Española, onde permaneceu durante os seguintes vinte anos. En 1974 é nomeado director de TVE en Galicia, onde puxo en marcha o programa Panorama de Galicia, primeiro programa rexional informativo da historia da televisión galega. Foi tamén o primeiro de utilizar o galego nun programa informativo[2]. En 1977 é destituído como director dese programa por presións políticas[3].
En 1981 foi nomeado responsable da Área Nacional dos Informativos de TVE. En 1982, foi nomeado director da primeira edición de Telediario e entre 1983 e 1984 o foi da segunda, que se emitía ás 21,00.
En 1987 comezou a facerse máis popular cando se lle asinou, de novo, a dirección e ademais a presentación do Telediario de ámbito nacional, labor no que permaneceu ata 1990.
Telecinco (1990-1998)[editar | editar a fonte]
Ese mesmo ano foi contratado por Valerio Lazarov, daquela á fronte da recentemente nacida canle de TV Telecinco para que puxese en marcha os informativos da emisora.
Mariñas foi Director de Informativos en Telecinco entre 1990 e 1998, e durante ese tempo, a parte das novas, tamén dirixiu e presentou outros programas de debate e entrevistas. O 31 de maio de 1993 moderou o segundo debate televisado entre Felipe González e José María Aznar para as eleccións xerais de 1993.
Televisión española (1998-2004)[editar | editar a fonte]
En 1998 foi relevado do seu cargo en Telecinco e abandonou a canle para volver a Televisión Española, onde, durante seis tempadas, ata 2004, presentou e dirixiu o espazo informativo matinal Los desayunos de TVE.
Telemadrid (2004-2010)[editar | editar a fonte]
En 2004 pasou á canle autonómica madrileña Telemadrid, para facerse cargo das Noticias. En 2005 deixou ese labor para conducir o programa divulgativo Años Luz na mesma cadea.
En febreiro de 2007 estreou tamén programa en Canal Sur, chamado Vista Pública.
O seu último traballo foi o de Director de Comunicación de Portos do Estado.
Notas[editar | editar a fonte]
- ↑ http://www.abc.es/20101227/medios-redes/muere-luis-marinas-201012271520.html
- ↑ "Academia de las artes y las ciencias de televisión". Arquivado dende o orixinal o 21 de xuño de 2013. Consultado o 14 de agosto de 2010.
- ↑ Varios autores. Galicia. Realidade económico e conflito social. Servicio de Estudios del Banco de Bilbao, 1978
