Louredo, Mos

Na Galipedia, a Wikipedia en galego.
Saltar ata a navegación Saltar á procura
Louredo
Igrexa de San Salvador de Louredo, Mos.jpg
Igrexa de San Salvador de Louredo
ConcelloMos
Poboación1.626 hab. (2014)
Entidades de poboación4

San Salvador de Louredo é unha parroquia do concello de Mos. Segundo o IGE en 2014 tiña 1626 habitantes (813 homes e 813 mulleres) distribuídos en 11 entidades de poboación. Segundo o padrón municipal en 2004 tiña 1197 habitantes (605 mulleres e 592 homes), 162 máis ca en 1999.

Topónimo[editar | editar a fonte]

O topónimo Louredo (do latín LAURETUM, de LAURUM máis o sufixo abundancial -ETUM) fai referencia a un lugar onde hai loureiros.

Xeografía[editar | editar a fonte]

Nos últimos anos, presenta un forte crecemento demográfico grazas en boa parte á urbanización de Santo Antoíño. A parroquia está atravesada pola estrada N-550 e pola liña de ferrocarril Redondela-Ourense. Cara ao sur da parroquia creouse a comezos do século XXI un polígono industrial.

Louredo é a parroquia de Mos con maior número de hectáreas de monte, aínda que eses terreos están sendo atacados constantemente por mor dos devastadores incendios forestais que asolan toda a zona. A pesar diso, a fauna e a flora destes montes é moi numerosa e lévanse a cabo actuacións para a recuperación da súa contorna.

Patrimonio[editar | editar a fonte]

A igrexa parroquial é de orixe románica do século XII e retocada no XIII. Porén, sufriu importantes cambios estruturais a finais do século XVIII. Consérvanse canzorros nos muros laterais antecedendo ao beirado e á cornixa. Sobre a porta hai unha inscrición co texto ESTA OBRA HIZO A SU COSTA DON FRANCISCO CASTIÑEIRA. AÑO DE 1780. A torre foi construída en 1722, con base cadrada. No interior hai un escudo de armas que fai referencia á liñaxe dos Lanzos e Taboada, así como un sepulcro situado na Capela Maior. A igrexa sufriu un incendio o 10 de marzo de 1996, que destruíu o teito da nave central. En 1997 fíxose a rehabilitación[1].

No enreixado da igrexa hai un peto de ánimas, presidido pola Virxe do Carme[2]. Na casa reitoral, con planta en forma de L e muro con porta ameada coa data de 1666 no seu lintel, consérvanse os muros dunha capela do século XVI[3].

O pazo de Santo Antoíño ten orixe no século XIV, pero foi reconstruído no XVIII. Conta cunha capela do XVI.

A carón da igrexa consérvase unha ponte sobre o rego das Fragas, pola que discorría o camiño real de Tui a Santiago de Compostela.

Galería de imaxes[editar | editar a fonte]

Notas[editar | editar a fonte]

  1. Igrexa parroquial de San Salvador de Louredo na páxina web colaborativa PatrimonioGalego.net.
  2. Peto de Ánimas de San Salvador de Louredo na páxina web colaborativa PatrimonioGalego.net.
  3. Reitoral de San Salvador de Louredo na páxina web colaborativa PatrimonioGalego.net.

Lugares e parroquias[editar | editar a fonte]

Lugares de Louredo[editar | editar a fonte]

Lugares da parroquia de Louredo no concello de Mos (Pontevedra)

Arrufana | O Enxertado | O Pantaño | O Pombal

Parroquias de Mos[editar | editar a fonte]

Véxase tamén[editar | editar a fonte]

Outros artigos[editar | editar a fonte]