Louise Weiss
Louise Weiss | |
---|---|
Alcume | Louis Lefranc |
Nacemento | 25 de xaneiro de 1893 |
Lugar de nacemento | Arras |
Falecemento | 26 de maio de 1983 |
Lugar de falecemento | 16º distrito de París |
Soterrada | Magny-les-Hameaux |
Nacionalidade | Francia |
Alma máter | Lycée Molière |
Ocupación | xornalista, política e escritora |
Pai | Paul Louis Weiss |
Nai | Jeanne Javal |
Cónxuxe | José Imbert |
Irmáns | Jenny Aubry |
Premios | grande oficial da Lexión de Honor |
Na rede | |
[ editar datos en Wikidata ] | |
Louise Weiss, nada en Arras o 25 de xaneiro de 1893 e finada en Magny-les-Hameaux o 26 de maio de 1983,[1] foi unha xornalista, escritora, feminista e política francesa.
Traxectoria[editar | editar a fonte]
Louise Weiss naceu no seo dunha familia cosmopolita de Alsacia. O seu pai, Paul Louis Weiss, enxeñeiro de minas, foi un distinguido protestante alsaciano orixinario de La Petite-Pierre. Os antepasados da súa nai, Jeanne Javal, eran xudeus orixinarios da pequena localidade alsaciana de Seppois-le-Bas. Creceu en París e converteuse en profesora contra o desexo da súa familia, obtendo igualmente un título da Universidade de Oxford. Entre 1914 e 1918 traballou como enfermeira de guerra e fundou un hospital en Côtes-du-Nord. Entre 1918 e 1934 publicou a revista L'Europe nouvelle; posteriormente, até a segunda guerra mundial, promoveu o sufraxio feminino. En 1936 foi candidata ás eleccións parlamentarias, presentándose no quinto distrito de París.
Durante a guerra participou activamente na Resistencia e foi redactora xefe da revista clandestina "Nouvelle République" entre 1942 e 1944. En 1945 fundou o Instituto para a Polemoloxía xunto a Gaston Bouthoul en Londres. Percorreu Oriente Medio, o Xapón, a China, Vietnam, África, Alasca, India, etc., realizou documentais e publicou libros sobre as súas diferentes viaxes. En 1979 converteuse en europarlamentaria representando ó partido gaullista.
Notas[editar | editar a fonte]
- ↑ "Biografía de Louise Weiss" (en francés). Arquivado dende o orixinal o 14 de xullo de 2017. Consultado o 04 de xuño de 2018.