Os gozos e as sombras (serie de televisión)

Los gozos y las sombras
Formato	Drama - Historia
Dirixido por	Rafael Moreno Alba
Intérpretes	Eusebio Poncela; Amparo Rivelles; Charo López; Carlos Larrañaga; Rosalía Dans; Santiago Ramos; Manuel Galiana; Rafael Alonso Ochoa
País de orixe	España
Episodios	13
Produción
Produtor(es); executivo(s)	Jesús Navascués
Duración	55 min. por episodio
Emisión orixinal
Canle de orixe	TVE
Primeiro episodio	25 de marzo de 1982
Derradeiro episodio	10 de xuño de 1982
Na rede
	[ editar datos en Wikidata ]

Para outras páxinas con títulos homónimos véxase: Los gozos y las sombras.

Os gozos e as sombras (título orixinal en castelán Los gozos y las sombras) é unha serie de televisión española de 1982, adaptada e producida por Jesús Navascués e dirixida por Rafael Moreno Alba. Está baseada na novela Los gozos y las sombras de Gonzalo Torrente Ballester (que supervisou a adaptación), e ambientada nunha vila de Galiza entre 1934 e 1936. Consta de 13 capítulos, e foi emitida inicialmente por TVE, e distribuída posteriormente ao Uruguai e a Arxentina.

Tamén foi dobrada ao galego e emitida pola TVG, converténdose no primeiro produto audiovisual dobrado ao galego.

Amais de supoñer no seu momento un relanzamento editorial da novela, abriu o camiño á produción doutras series baseadas en novelas clásicas da literatura española.

Trama

Pueblanueva del Conde é unha vilas das Rías Baixas, que nos anos finais da Segunda República Española sofre un cambio social e económico que altera a orde tradicional instalada. As familias vellas propietarias das terras ceden paso á nova burguesía industrial.

Tralo regreso de Carlos Deza, último da saga dos Churruchaos, comeza un enfrontamento entre el e dona Mariana fronte a Cayetano Salgado.

Rodaxe

Foi rodada en Pontevedra e arredores. Aparecen lugares como o mosteiro de Poio ou Combarro.

Ficha artística

Personaxes

Eusebio Poncela (Carlos Deza)
Amparo Rivelles (Mariana Sarmiento)
Charo López (Clara Aldán)
Carlos Larrañaga (Cayetano Salgado)
Rosalía Dans (Rosario "La Galana")
Santiago Ramos (Juan Aldán)
Manuel Galiana (Paquito)
Rafael Alonso Ochoa (Don Baldomero)
José María Caffarel (Don Lino)
Eduardo Fajardo (Fray Eugenio)
Isabel Mestres (Inés Aldán)
Tito García (Cubeiro)
María Casal (Carmiña)
Fernando Sánchez Polack (El Cubano)
Verónica Luján (Lucía)
Carmen Roldán (Germaine)
María Vico (Rucha)
Laura Cepeda (Rucha filla)
Julia Trujillo (La Galana)
Walter Vidarte (Xirome)
Pilar Bardem (Curandeira)

Equipo técnico

Jesús Navascués (adaptación e produción)
Rafael Moreno Alba (dirección e realización)
José García Galisteo (fotografía)
Nemesio García Carril (música orixinal)
Pedro del Rey (montaxe)
Eduardo Hidalgo (decorador)
Javier Artiñano (figuración)
Gonzalo Torrente Ballester (supervisión)

Dobraxe

Ten unha relevancia especial na historia da dobraxe ao galego, pois foi o primeiro produto audiovisual dobrado ao galego, no ano 1984. A dobraxe foi dirixida por Juan Guisán no estudio Vídeo Galicia (A Coruña) e o guión traducido por Marino Dónega.

Premios

Fotogramas de Prata 1982

Categoría	Persoa	Resultado
Mellor intérprete de televisión	Charo López	Gañadora
Mellor intérprete de televisión	Eusebio Poncela	Candidato
Mellor intérprete de televisión	Amparo Rivelles	Candidata