Lorin Maazel

Lorin Maazel
	Lorin Maazel en 2006
Nome completo	Lorin Varencove Maazel
Data nacemento	6 de marzo de 1930
Nado en	Neuilly-sur-Seine (Francia)
Falecemento	13 de xullo de 2014; Castleton Farms, Virxinia (EE. UU.)
	Condado de Rappahannock
Causa	pneumonía
Cónxuxe	Israela Margalit (desde 1969); Dietlinde Turban (desde 1986)
Fillos	Fiona Maazel
Ocupación	Director de orquestra, violinista e compoitor
Xénero	Música clásica
Na rede
	http://www.maestromaazel.com/
	[ editar datos en Wikidata ]

Lorin Varencove Maazel , nado en Neuilly-sur-Seine o 6 de marzo de 1930, e finado en Virxinia o 13 de xullo de 2014,^[1] foi un director de orquestra, violinista e compositor estadounidense de orixe francesa.

Traxectoria[editar | editar a fonte]

Maazel naceu en Neuilly-sur-Seine, Francia, de pais estadounidenses xudeus de orixe rusa que moi pronto volveron aos Estados Unidos. Xa de pequeno demostrou uns dotes prodixiosos para a música. Tomou a súa primeira clase de dirección de orquestra aos 7 anos, e debutou aos 8. Con 9, en 1939, xa dirixiu a Orquestra de Interlochen na Feira Mundial de Nova York, así como a Orquestra Filharmónica de Los Ángeles, onde compartiu un programa con Leopold Stokowski. Aos 11, Arturo Toscanini invitouno a dirixir a súa orquestra neoiorquina, e aos 13 xa fixera o propio na Orquestra Filharmónica de Nova York e na Orquestra de Filadelfia.^[2] Aos 12 anos efectuou unha xira polos EE. UU. dirixindo as mellores orquestras. Seu debut como violinista foi aos 15 anos de idade. Estudou matemáticas e filosofía na Universidade de Pittsburgh.

Faleceu en Castleton Farms, Virxinia, Estados Unidos, o 13 de xullo de 2014, tras unha complicación dunha pneumonía.