Lixa de lei

Para outras páxinas con títulos homónimos véxase: Lixas.

Lixa de lei
Nome taxon     Centrophorus granulosus  Nome curto     C. granulosus (mul)
Instancia de taxon  Categoría taxonómica especie  Combinación orixinal Squalus granulosus
Conservación Especie en perigo
Clasificación taxonómica
Superreino Holozoa Reino Animalia Filo Chordata Clase Chondrichthyes Orde Squaliformes Familia Centrophoridae Xénero Centrophorus Especie Centrophorus granulosus
Cifras e dimensións  Duración máxima da vida    25 a
Localización  Área de distribución Brasil Illa de Nova Guinea  Mapas
Códigos e identificadores Freebase /m/09gl68 ITIS 160633 OTT 754130 UICN 162293947 CoL 69HMP
Wikidata C:Commons

A lixa de lei, ou simplemente lixa, Centrophorus granulosus, é unha especie de tiburón da familia dos centrofóridos que habita no golfo de México, no Atlántico oriental, desde Francia até Suráfrica (incluíndo o Mediterráneo occidental) e nas costas de Madagascar, Australia, Nova Guinea e Honshu (Xapón).

Descrición

A súa cabeza é cónica, co fociño curto e a boca un pouco arqueada. Os dentes posúen unha soa cúspide, imbricada e aguda no maxilar superior e baixa e abatida no inferior. Ten grandes ollos verdes luminiscentes e unha forte espiña precede ás dúas aletas dorsais. O extremo posterior das aletas pectorais acaba en punta, e carece de aleta anal. Os individuos xuvenís presenta coloración agrisada con toos viñosos, especialmente nas aletas, reberetadas de branco, e abrancazada no ventre; os adultos son de cor gris apardazada escura uniforme. Adoitan medir uns 150 cm, aínda que o tamaño máximo rexistrado corresponde a 160 cm no macho e 145 cm na femia.

Hábitat e bioloxía

Típico animal das profundidades, vive na zona do noiro continental, habitualmente a 200 m de profundidade, aínda que se pode encontrar entre os 100 e os 1.400 m. Pode formar pequenos grupos. Ovovivíparo, as crías nacen miden uns 30 ou 40 cm de lonxitude ao nacer. Captúrase con artes de fondo, palangre e redes de arrastre.

Estado de conservación

Mandíbulas de Centrophorus granulosus.

Segundo a IUCN, a súa situación é vulerábel.

En Galicia

Esta especie está citada na bibliografía ictiolóxica galega, e para ela Ríos Panisse recolleu na Guarda o nome de lixa,

Véxase tamén

Bibliografía

• Compagno, Leonard; Marc Dando & Sarah Fowler (2005): Sharks of the World. New Jersey: Princeton University Press. ISBN 0-691-12072-2.
• Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8, p. 189.
• Moreno, Juan A. (2004): Guía de los tiburones de aguas ibéricas, Atlántico nororiental y Mediterráneo. Barcelona: Ediciones Omega. ISBN 978-84-282-1367-7.
• Nelson, Joseph S. (2006): Fishes of the World. John Wiley & Sons. ISBN 0-471-25031-7.
• Rodríguez Villanueva, X. L. e Xavier Vázquez (1992): Peixes do mar de Galicia. (I) Lampreas raias e tiburóns. Vigo: Edicións Xerais de Galicia. ISBN 84-7507-654-8.

Outros artigos

• Tiburóns
• Lixas

Ligazóns externas

• Centrophorus granulosus en FishBase. (en inglés) Consultada o 14/12/2012.
• Centrophorus granulosos en ITIS. (en inglés) Consultada o 14/12/2012.