Live from Camp X-Ray

Live from Camp X-Ray
Álbum de Rocket from the Crypt
Gravación	verán do 2002
Duración	26:29
Xénero(s)	punk rock, rock and roll
Selo(s)	Vagrant Records
Producido por	John Reis
Cronoloxía
Group Sounds Live from Camp X-Ray Hot Charity/Cut Carefully and Play Loud

Live from Camp X-Ray é o sétimo álbum de estudio da banda estadounidense de punk rock Rocket from the Crypt, editado o 22 de outubro do 2002 a través do selo Vagrant Records. Trátase do derradeiro álbum de estudio da banda, xa que se separarían en Halloween do 2005. Ao contrario do que suxire o seu título, non se trata dun álbum ao vivo.

Aínda que polo xeral o álbum tivo boas críticas, moitos consumidores foron confundidos polo título e asumiron que se trataba dun disco ao vivo. O título realmente fai referencia ao Camp X-Ray, as instalacións de detención temporal situadas na base estadounidense de Guantánamo. Algúns seareiros e críticos expresaron a súa desconformidade coa lonxitude do disco, afirmando que 26 minutos de reprodución non era suficiente para un álbum completo, e que agardaban un traballo máis creativo por parte da banda. Nesa época, porén, os membros do grupo estraban traballando intensamente noutros proxectos (sobre todo o vocalista e guitarrista John Reis, que estaba ao mesmo tempo tocando en Hot Snakes e Sultans e dirixindo o selo Swami Records), e non estaban tan involucrados creativamente en Rocket from the Crypt como no pasado.

Listaxe de cancións

1. "I'm Not Invisible"
2. "Get Down"
3. "I Can't Feel My Head"
4. "Can You Hear It?"
5. "I Wanna Know What I Wanna Know"
6. "Bring Us Bullets"
7. "Bucket of Piss"
8. "Dumb Blind and Horny"
9. "Outsider"
10. "Too Many Balls"