Literatura da Restauración inglesa

Na Galipedia, a Wikipedia en galego.
(Redirección desde «Literatura inglesa da Restauración»)
Carlos II de Inglaterra.

A literatura da Restauración é o nome co que se coñece á literatura escrita en inglés durante o período coñecido como a Restauración inglesa (1660-1689), correspondente aos últimos anos do reinado da casa de Estuardo en Inglaterra, Escocia, Gales e Irlanda. O termo fai referencia a unha serie de obras, cun estilo relativamente homoxéneo, que se centran na celebración ou rexeitamento cara á restaurada corte de Carlos II. Engloba obras nalgúns casos totalmente opostas: O paraíso perdido de John Milton á beira de Sodoma de John Wilmot ou a comedia de William Wycherley A esposa do campo á beira da austeridade de O progreso do peregrino de John Bunyan.

Esta época, de gran efervescencia cultural, foi tamén a da creación da Royal Society, dos experimentos e meditacións de Robert Boyle e a dos ataques do bispo Jeremy Collier contra o teatro. A prensa escrita empezaba a xeneralizarse, mentres que o ensaio e a crónica convertíanse en formas literarias en expansión á vez que a economía bolsista facía a súa aparición.

Os límites cronolóxicos deste período non son máis que unha convención e varían de forma significativa segundo o xénero literario do que se trate. O teatro da Restauración, por exemplo, conserva unha influencia dominante ata 1700, mentres que a poesía declina a partir de 1666 coa publicación do poema Annus Mirabilis de John Dryden. A crise da prosa produciuse a partir de 1688 despois das tensións creadas pola Revolución Gloriosa e polo aumento da importancia do xornalismo e os xornais. De maneira máis xeral, o termo "restauración" utilízase para designar a literatura escrita durante o reinado de Carlos II cuxos textos son odas celebrando o retorno dunha aristocracia rexenerada, textos escatolóxicos inspirados pola desesperación da comunidade puritana ou textos en inglés simple destinados a apoiar a expansión crecente do imperio comercial inglés por todo o mundo.

Véxase tamén[editar | editar a fonte]

Bibliografía[editar | editar a fonte]

En inglés
  • Holman, C. Hugh and Harmon, William (eds.) (1986). A Handbook to Literature. Nova York: Macmillan Publishing.
  • Howe, Elizabeth (1992). The First English Actresses: Women and Drama 1660–1700. Cambridge: Cambridge University Press.
  • Hume, Robert D. (1976). The Development of English Drama in the Late Seventeenth Century. Oxford: Clarendon Press.
  • Hunt, Leigh (ed.) (1840). The Dramatic Works of Wycherley, Congreve, Vanbrugh and Farquhar.
  • Porter, Roy (2000). The Creation of the Modern World. Nova York: W. W. Norton. ISBN 0-393-32268-8
  • Roots, Ivan (1966). The Great Rebellion 1642–1660. Londres: Sutton & Sutton.
  • Rosen, Stanley (1989). The Ancients and the Moderns: Rethinking Modernity. Yale UP.
  • Sloane, Eugene H. Robert Gould: seventeenth century satirist. Philadelphie: U Pennsylvania Press, 1940.
  • Tillotson, Geoffrey and Fussell, Paul (eds.) (1969). Eighteenth-Century English Literature. Nova York: Harcourt, Brace, and Jovanovich.
  • Todd, Janet (2000). The Secret Life of Aphra Behn. Londres: Pandora Press.
  • Ward, A. W, & Trent, W. P. et al. (1907–21). "The Age of Dryden", en The Cambridge History of English and American Literature. Nova York: G.P. Putnam’s Sons.
En español
  • Concha, Mariángeles de la et al.; "Literatura inglesa hasta el siglo XVII", UNED, ISBN 84-362-4554-7.
  • Figueroa Dorrego, Jorge; "Aphra Behn (1640-1689)", Ediciones del Orto, 1999, ISBN 84-7923-213-7.
  • Herán, Josette; "Historia de la literatura inglesa", Acento Editorial, 1996, ISBN 84-483-0168-4.
  • Pujals, Esteban; "Historia de la literatura inglesa", Editorial Gredos, 1988. ISBN 84-249-0952-6.