Lina Sandell

Na Galipedia, a Wikipedia en galego.
Lina Sandell
Nome completoKarolina Wilhelmina Sandell
AlcumeL.S.
Nacemento3 de outubro de 1832
Lugar de nacementoFröderyd
Falecemento27 de xullo de 1903
Lugar de falecementoKlara Church Parish
CausaComplications of diabetes
SoterradaSolna cemetery
NacionalidadeSuecia
Relixiónluteranismo
Ocupaciónescritora, escritora de himnos, poeta, teólogo, tradutora e editora colaboradora
PaiJonas Sandell
NaiFredrica Engstrand
CónxuxeC. O. Berg
IrmánsAmalia Mathilda Sandell
Coñecida porBlott en dag
Na rede
Spotify: 1swNzEiS5MUeBjvCzpiEVf Musicbrainz: 5becec9e-2ffb-4895-89bc-ff13e3b9e069 Discogs: 837975 Allmusic: mn0001482408 Find a Grave: 6690008 Editar o valor em Wikidata
editar datos en Wikidata ]

Lina Sandell, nada co nome de Karolina Wilhelmina Berg en Fröderyd o 3 de outubro de 1832 e finada en Estocolmo o 27 de xullo de 1903, foi unha escritora sueca, coñecida como autora de himnos relixiosos.

Traxectoria[editar | editar a fonte]

O seu pai era pastor luterano nunha pequena comunidade rural e ela naceu na reitoría da igrexa. En 1858, cando ela tiña vinte e seis anos acompoñou a seu pai nunha viaxe en barco polo lago Vättern ata Gotemburgo pero o seu pai caeu ó mar e afundiu diante dela. Esta traxedia marcou a súa vida e inspirouna para escribir himnos.

Oskar Ahnfelt compuxo a música de todos os seus himnos e deunos a coñecer por toda Escandinavia. Lina casou en 1867 co comerciante e deputado Oscar Berg e pasou a apelidarse legalmente Sandell-Berg, aínda que escribiu os seus himnos coa sinatura L.S. Escribiu tamén textos para uso das escolas dominicais, Berättelser för söndagsskolan (1870-1874), Samlade sånger (1882–1885), e publicou durante moitos anos o almanaque Korsblomman (1865-1902) que incluía poemas, historias e biografías. Desde 1889 foi colaboradora de Barnens vän, o voceiro da Misión Evanxélica Sueca. Escribiu máis de 1700 himnos relixiosos e poemas entre eles, Tryggare kan ingen vara, Blott en dag e Jag kan icke räkna dem alla.

Na última versión (1986) do libro oficial de salmos da Igrexa de Suecia, Den svenska psalmboken, hai 15 dos seus salmos.