Life Is Strange é un videoxogo episódico e de drama interactivo do xénero da aventura gráfica. Foi desenvolvido por Dontnod Entertainment e distribuído por Square Enix. O argumento do xogo céntrase en Maxine Caulfield, unha estudante de fotografía que descobre que ten a habilidade de rebobinar o tempo en calquera intre, permitíndolle revertir os procesos do efecto bolboreta. O xogo consta de cinco episodios. Life Is Strange está dispoñible para Microsoft Windows, PlayStation 4, PlayStation 3, Xbox One e Xbox 360 por distribución dixital.