Les Misérables
Les Misérables[1] é unha novela histórica francesa de Victor Hugo publicada en 1862, considerada unha das máis grandes novelas do século XIX.
A novela comeza en 1815 e culmina en 1832 coa revolución de xuño en París. Segue as vidas e as interaccións entre varias personaxes, especialmente as dificultades do exconvito Jean Valjean e a súa experiencia de redención.[2] Examinando a natureza da lei e da graza, a novela afonda na historia de Francia, a arquitectura e o deseño urbano de París, a política, a filosofía moral, o antimonarquismo, a xustiza, a relixión e os tipos e a natureza do amor romántico e familiar.
Les Misérables foi popularizado grazas a múltiples adaptacións no cinema, na televisión e no teatro.
Partes
[editar | editar a fonte]- Volume I: Fantine
- Volume II: Cosette
- Volume III: Marius
- Volume IV: o idilio na Rue Plumet e a épica na Rue St. Denis
- Volume V: Jean Valjean
Recepción contemporánea
[editar | editar a fonte]A aparición da novela foi un evento anticipado, xa que Victor Hugo estaba considerado un dos principais poetas de Francia da súa época. The New York Times anunciou a súa próxima publicación xa en abril de 1860.[3] Unha campaña de publicidade masiva[4] precedeu a publicación dos primeiros dous volumes de Les Misérables en Bruxelas o 30 ou 31 de marzo e en París o 3 de abril de 1862.[5] O resto dos volumes apareceron o 15 de maio de 1862.
As reaccións críticas foron de amplo rango, en ocasións negativas. Algúns críticos atoparon o asunto inmoral, outros queixáronse do sentimentalismo e outros preocupáronse pola aparente simpatía cos revolucionarios. L. Gauthier escribiu en Le Monde o 17 de agosto de 1862: "Un non pode lela sen unha repulsión invencible todos os detalles que Monsieur Hugo dá sobre o éxito dos plans de complot".[6] Os irmáns Goncourt xulgaron a novela artificial e decepcionante.[7] Flaubert non atopou "verdade nin grandezas" nela.[8] Nunha crítica nun xornal, Charles Baudelaire eloxiou o éxito de Hugo en centrar a atención pública nos problemas sociais, aínda que pensou que esa propaganda era oposta á arte. En privado describiuna como "inmunda e inepta" ("immonde et inepte").[9] A igrexa católica incluíuna no Index Librorum Prohibitorum.[10]
A novela foi un éxito comercial e un libro popular dende a súa publicación.[11][12] O mesmo ano da súa publicación foi traducida a varias linguas, incluíndo inglés,[13] italiano, grego e portugués, facéndose popular en toda Europa.
Adaptacións
[editar | editar a fonte]Dende a publicación orixinal, Les Misérables foi obxecto de numerosas adaptacións en diferentes medios. Algúns exemplos son:
- Filme de 1934, versión francesa de 4½ horas dirixida por Raymond Bernard e protagonizada por Harry Baur, Charles Vanel, Florelle, Josseline Gaël e Jean Servais.
- Filme de 1935 de Richard Boleslawski, con Fredric March e Charles Laughton, candidata ao Óscar ao mellor filme.
- Adaptación radiofónica de 1937 de Orson Welles.[14]
- Filme de 1952 de Lewis Milestone, con Michael Rennie e Robert Newton.
- Filme de 1958 de Jean-Paul Le Chanois, con Jean Gabin, Bernard Blier e Bourvil.[15] Chamada "a versión cinematográfia máis memorables", foi filmada en Alemaña Oriental e é manifestamente política.[16]
- Telefilme de 1978, con Richard Jordan e Anthony Perkins.
- Musical de 1980, de Alain Boublil e Claude-Michel Schönberg.[17]
- Filme de 1982, de Robert Hossein, con Lino Ventura e Michel Bouquet.
- Filme de 1995, de Claude Lelouch, con Jean-Paul Belmondo[18]
- Filme de 1998, con Liam Neeson e Geoffrey Rush.[19]
- Miniserie de 2000, con Gérard Depardieu e John Malkovich.[20]
- Anime de 2007, de Nippon Animation.
- Filme de 2012, adaptado do musical, con Hugh Jackman, Russell Crowe, Anne Hathaway e Amanda Seyfried.[21]
- Miniserie de 2018 de Andrew Davies, con Dominic West, David Oyelowo e Lily Collins.[22]
Notas
[editar | editar a fonte]- ↑ "Les Misérables". Longman Dictionary of Contemporary English. Longman. Consultado o 16 de agosto de 2019.
- ↑ "BBC News – Bon anniversaire! 25 facts about Les Mis". BBC Online. 1 de outubro de 2010. Consultado o 1 de outubro de 2010.
- ↑ "Personalities.". The New York Times. 10 de abril de 1860. Consultado o 3 de xaneiro de 2013.
- ↑ La réception des Misérables en 1862 – Max Bach – PMLA, Vol. 77, No. 5 (decembro de 1962)
- ↑ "Les Misérables, Victor Hugo, first edition, 1862". ABE Books. Consultado o 21 de xaneiro de 2013.
- ↑ Goncourt, Edmond et Jules, Journal, Vol. I, Laffont, 1989, ISBN 2-221-05527-6, April 1862, pp. 808–09
- ↑ "Letter of G. Flaubert to Madame Roger des Genettes – July 1862". Arquivado dende o orixinal o 27 de novembro de 2006. Consultado o 12 de decembro de 2020.
- ↑ Hyslop, Lois Bee (outubro de 1976). "Baudelaire on Les Misérables". The French Review 41 (1): 23–29.
- ↑ Turner, David Hancock (18 de xaneiro de 2013). "Les Misérables and Its Critics". Jacobin. Consultado o 14 de xuño de 2016.
- ↑ Yourcenar, Marguerite. "Réception des Misérables en Grèce" (PDF). Arquivado dende o orixinal (PDF) o 20 de xullo de 2011. Consultado o 12 de decembro de 2020.
- ↑ "Réception des Misérables au Portugal". Arquivado dende o orixinal o 29 de setembro de 2007. Consultado o 12 de decembro de 2020.
- ↑ Moore, Olin H. (marzo de 959). "Some Translations of Les Misérables". Modern Language Notes 74 (3): 240–46. JSTOR 3040282. doi:10.2307/3040282.
- ↑ Radio Programs Scheduled for this Week, The New York Times, 25 de xullo de 1937
- ↑
- Les Misérables na IMDb (en inglés).
- ↑ Behr, Edward (1993). The Complete Book of Les Misérables. New York: Arcade. p. 29.
- ↑ The Broadway League. "The official source for Broadway Information". IBDB. Consultado o 31 de decembro de 2012.
- ↑ AlloCine. "Les Misérables". Consultado o 23 de setembro de 2015.
- ↑
- Les Misérables na IMDb (en inglés).
- ↑
- Les Misérables na IMDb (en inglés).
- ↑
- Les Misérables na IMDb (en inglés).
- ↑ Otterson, Joe (9 de xaneiro de 2018). "David Oyelowo, Dominic West, Lily Collins to Star in BBC's Les Misérables Miniseries". Variety.
Véxase tamén
[editar | editar a fonte] |
Wikimedia Commons ten máis contidos multimedia na categoría: Les Misérables  |
 |
A Galipedia ten un portal sobre: Francia |
Ligazóns externas
[editar | editar a fonte]- Les Misérables en CliffsNotes.com
- Les Misérables en Internet Movie Database
- French text of Les Misérables
- Crítica de Edwin Percy Whipple The Atlantic Monthly, xullo de 1862.
